Politike

Rama ndan foton e infermieres shtatzënë nga spitali Covid1, kryeministri: Krenar! Ajo merr në sy rrezikun për të shpëtuar

24 Shkurt 2021, 09:47 Nga DOSJA
Rama ndan foton e infermieres shtatzënë nga spitali Covid1,

TIRANË– Kryeministri Edi Rama ka ndarë në profilin e tij të ‘Facebook’ një foto të infermieres së spitalit Covid 1 e cila është në pritje të një fëmije. Kreu i qeverisë shkruan se infermierja, Xhorxhina Metushi, vijon të qëndrojë në vijën e parë të zjarrit teksa pret që të sjellë në jetë fëmijën e saj. Rama shkruan se ndihet krenar për bluzat e bardha të cilat dëshojnë se nuk janë të gjithë njësoj e se nuk e zhbëjnë dot moralin njerëzor e dinjitetin profesional të shumicës dërrmuese të tyre.

SHKRIMI I RAMËS: 

Në armatën e bluzave të bardha, që bëjnë dallimin e madh në këtë kohë lufte për shëndetin, është edhe një brez i ri profesionistësh si Xhorxhina Metushi.
Prej ditës së parë të përballjes me Armikun e Padukshëm, infermierja e palodhur e Spitalit Covid 1, vijon të qëndrojë në vijën e parë të zjarrit, teksa pret të sjellë në jetë fëmijën e saj, duke marrë në sy rrezikun për të shpëtuar njerëz në rrezik për jetën!
Krenar për bluzat e bardha që në ditët më të mundimshme të vendit, dëshmojnë me forcën e shembullit të tyre, se jo vetëm nuk janë të gjithë njësoj po edhe se një dorë abuzuesish e batakçinjsh mes bluzave të bardha, nuk e zhbëjnë dot moralin njerëzor e dinjitetin profesional të shumicës dërrmuese të tyre.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

politike politike edi rama fotoja e infermieres xhorxhina metushi edi rama fotoja e infermieres xhorxhina metushi

Sondazh

Poll