Aktualitet

Organizuan protestën me arkivol, arrestohen në flagrancë 2 shtetas, procedohen penalisht 2 të tjerë

16 Dhjetor 2020, 08:17 Nga DOSJA
Organizuan protestën me arkivol, arrestohen në flagrancë 2

DURRËS-Dy persona janë vënë në pranga në Durrës pasi akuzohen të kenë organizuar grumbullim dhe manifestim të paligjshëm. Po ashtu, njoftohet se dy qytetarë të tjerë që kanë marrë pjesë në protestën për Klodian Rashën janë proceduar penalisht.

Të arrestuarit janë 24-vjeçari Sh. M., dhe 30-vjeçari A. B. Kurse, penalisht u proceduan A. V., 20 vjeç dhe F. D., 23 vjeç, banues në Durrës, për veprat penale “Organizimi dhe pjesëmarrja në grumbullime e manifestime të paligjshme” dhe “Përhapja e informatave të rreme që ngjallin panik”.

NJOFTIMI NGA POLICIA

Organizuan grumbullim dhe manifestim të paligjshëm, arrestohen në flagrancë 2 shtetas, procedohen penalisht 2 të tjerë. Ndalohet 1 shtetas i shpallur në kërkim, arrestohet në flagrancë 1 drejtues mjeti. Specialistët për Hetimin e Krimeve në Komisariatin e Policisë Durrës arrestuan në flagrancë shtetasit Sh. M., 24 vjeç dhe A. B., 30 vjeç, si dhe proceduan penalisht shtetasit A. V., 20 vjeç dhe F. D., 23 vjeç, banues në Durrës, për veprat penale “Organizimi dhe pjesëmarrja në grumbullime e manifestime të paligjshme” dhe “Përhapja e informatave të rreme që ngjallin panik”. Këta shtetas, edhe pse shërbimet e Policisë i kanë bërë të ditur që nuk lejohen tubimet dhe grumbullimet për shkak të situatës së krijuar nga pandemia, kanë vijuar të protestojnë. Oficerët e Policisë Gjyqësore pranë Prokurorisë së Rrethit Gjyqësor Durrës ndaluan shtetasin A. H., 17 vjeç, banues në Durrës, i shpallur në kërkim policor për veprën penale “Shtrëngimi me anë të kanosjes ose dhunës për dhënie pasurie”, pasi në periudha të ndryshme kohore ka kanosur shtetasin I. M., 14 vjeç, duke përfituar herë pas here shuma të ndryshme parash.
 Specialistët e Qarkullimit Rrugor në Drejtorinë Vendore të Policisë Durrës arrestuan në flagrancë shtetasin I. F., 52 vjeç, banues në Tiranë, pasi duke drejtuar mjetin tip “Benz”, në gjendje të dehur, ka goditur një tjetër mjet duke shkaktuar dëme materiale.Materialet i kaluan Prokurorisë së Rrethit Gjyqësor Durrës, për veprime të mëtejshme.

(A.B)/Dosja.al

1 vit nga zgjedhjet e 25 prillit si e shikoni gjendjen e vendit:

View Results

aktualitet aktualitet arrestohen dy persona në durrës protesta per klodian rashen arrestohen dy persona në durrës protesta per klodian rashen

Sondazh

Poll

MË SHUMË