Rajoni

Nënshkrimi i marrëveshjes mes Kosovës dhe Serbisë/ Provokon kryeministrja serbe: Pika 10 vija e kuqe për ne. Grenell: Trump pasqyroi vizionin e tij

Kryeministrja Branbiç ka deklaruar se Beogradi nuk kanë nënshkruar asnjë marrëveshje me Prishtinën, ndërsa Grenell ka thënë se marrëveshja e nënshkruar nga kryeministri Hoti dhe presidenti Vuçiç, në Shtëpinë e Bardhë, pasqyron vizionin e presidentit Donald Trump.
Featured image of article: Nënshkrimi i marrëveshjes mes Kosovës dhe Serbisë/ Provokon kryeministrja serbe: Pika 10 vija e kuqe për ne. Grenell: Trump pasqyroi vizionin e tij Hoti, Vuçiç, Kryeministrja serbe dhe Grenell.

KOSOVË– Kanë kaluar vetëm dy ditë prej momentit të nënshkrimit të marrëveshjes mes Kosovës dhe Serbisë në Shtëpinë e Bardhë nga Presidenti amerikan Donald Trump, ndërsa nuk ka munguar komenti i Kryeministres së Serbisë Ana Branbiç e cila ka deklaruar Beogradi nuk kanë nënshkruar asnjë marrëveshje me Prishtinën.

Sipas saj marrëveshja e ndërmjetësuar nga SHBA-ja bëri që Serbia të gjente mënyrën e duhur për të mos e njohur Kosovën.

“Ne nuk kemi nënshkruar asgjë me Prishtinën, Amerika është ndërmjetësi ynë. Ne duhej të gjenim një mënyrë krijuese, si t’i drejtohemi të ardhmes, pa e njohur Kosovën.”- tha Brnabiç.

Ndërkohë i dërguari i Trump, Richard Grenell, i cili ka ndërmjetësuar dialogun Kosovë-Serbi është shprehur se marrëveshja e nënshkruar nga kryeministri Hoti dhe presidenti Vuçiç, në Shtëpinë e Bardhë, pasqyron vizionin e presidentit Donald Trump. Më tej ai shtoi se çfarë përmban marrëveshja me dy shteteve  dhe ka theksuar se këtë nuk e gjeti në asnjë media amerikane.

“Marrëveshja e së premtes pasqyron vizionin e presidentit Trump, të cilin e kishte prej kohësh për Kosovën dhe Serbinë, për t’u përqëndruar në zhvillimin ekonomik, krijimin e vendeve të punës dhe zhvillimin industrial si parakushte për zgjidhjen e përhershme të mosmarrëveshjeve politike. Besimi i tij që nga fillimi ka qenë se fillimisht duhet të bëhet krijimi i mundësive dhe të ardhmes për të rinjtë, sesa në fokusimi në pikët politike, simbolikës ose ndreqjes së gabimeve historike. Shtetet e Bashkuara do të kalojnë vitin e ardhshëm në zbatimin e këtyre marrëveshjeve të reja dhe njerëzit e qeverisë së Kosovës dhe Serbisë kanë besimin e plotë të Administratës së SHBA’së për t’i çuar ato përpara.”- shprehet ai.

Për më shumë bëhu pjesë e grupit më viral në Facebook, Dosja.al

Sot është zbardhur versioni i parë i dokumentit të propozuar në fillim për marrëveshjen Kosovë-Serbi në Shtëpinë e Bardhë në Uashington, por më vonë ajo është ndryshuar nga delegacioni kosovar që ishte gati të prishë koalicionin qeverisës.

Në bazë të dokumentit të publikuar nga RTV Dukagjini, shihet se rrezikohej e gjithë marrëveshja e jo vetëm koalicionin me qeverinë.

Të premten Kosova dhe Serbia, firmosën veç e veç në Shtëpinë e Bardhë marrëveshjen për Normalizimin Ekonomik në Shtëpinë e Bardhë nga Presidenti Donald Trump. Pas marrëveshjes vijuan menjëherë re agime të shumta. Kryeministri Hoti është shprehur se të hënën do të zhvillojë një takim me Vuçiç, dhe se marrëveshja e 4 shtatorit nuk është përfundimtarja. Haradinaj dhe Mustafa përcollën urimet e tyre për këtë marrëveshje, ndërsa të njëjtën gjë bëri edhe kryeministri Edi Rama. Nuk kanë munguar as reagimet nga Shqipëria, ku Ilir Meta dhe kryedemokrati Lulëzim Basha uruan Kosovën për marrëveshjen.

A.C/Dosja.al

  • 12:35

    “Liberalizoni vizat për Kosovën”, Haradinaj kërkesë për BE-në: Tregoni përkushtimin dhe seriozitetin e njëjtë si Amerika

    Kreu i AAK-së, Ramush Haradinaj

    Ish- kryeministri i Kosovës, njëkohësisht lideri i AAK-së Ramush Haradinaj përmes një postimi në rrjetin social Facebook është shprehur se pret edhe nga Bashkimi Evropian përkushtim dhe seriozitet të njëjtë siç treguan Shtetet e Bashkuara të Amerikës. Ndër të tjera Haradinaj ka thënë se BE-ja duhet të lehtësojë procesin e njohjes së Kosovës nga shtetet anëtare të saj dhe të përmbush premtimin për liberalizimin e vizave për kosovarët.  “Tani pritjet tona janë që edhe Bashkimi Evropian të tregojë përkushtimin dhe seriozitetin e njëjtë, duke lehtësuar procesin e njohjes së Kosovës nga shtetet e saj, që ende nuk e kanë njohur Kosovën, si dhe përmbushjen e premtimit për liberalizimin e vizave për qytetarët e Kosovës.”- ka thënë Haradinaj.

    Postimi i Plotë i Haradinaj:

    Qytetarë të dashur, Kosova hodhi një hap të madh përpara me marrëveshjen në Ëashington. Me njohjen e Kosovës nga shteti i Izraelit, Shtetet e Bashkuara të Amerikës edhe njëherë dëshmuan lidership botëror dhe konfirmuan interesin strategjik për paqe, prosperitet ekonomik e stabilitet në Kosovë dhe rajon. Tani pritjet tona janë që edhe Bashkimi Evropian të tregojë përkushtimin dhe seriozitetin e njëjtë, duke lehtësuar procesin e njohjes së Kosovës nga shtetet e saj, që ende nuk e kanë njohur Kosovën, si dhe përmbushjen e premtimit për liberalizimin e vizave për qytetarët e Kosovës. Lutjet tona po ashtu shkojnë drejt Papa Françeskut, me shpresën që shpejt edhe Selia e Shenjtë do ta njeh Kosovën tonë si shtet të pavarur e sovran. Vetëm të bashkuar, me besim e mirëkuptim, mund t’ia dalim.  I juaji, Ramush Haradinaj.

  • 10:04

    Prapaskenat e marrëveshjes me Serbinë/ Hoti: SHBA-ja nuk kanë harta e thika por ka ndihmuar Kosovën në arenën ndërkombëtare

    Kryeministri i Kosovës, Avdullah Hoti

    Kryeministri i Kosovës, Avdullah Hoti pas marrëveshjes që firmosi në SHBA me Serbinë theksoi se pakti është shumë i rëndësishëm dhe se qëllimi final mbetet marrëveshja përfundimtare, pra njohja reciproke pa prekur integritetin territorial. Ndërkohë më tej në deklaratën e tij Hoti ka thënë qeveria amerikane nuk ka as harta as thika, por thotë se është angazhuar për të ndihmuar Kosovën në arenën ndërkombëtare.  “Nuk gjeta as harta as thika, as nuk është shtruar si temë. E vërteta është që SHBA-të jo që nuk kanë harta e thika por angazhohen për ndihmuar Kosovën në arenën ndërkombëtare. Historikisht Vetëvendosja ka qenë gabim, nëse kthehemi dhe i shikojmë në momente të tilla, edhe Vjosa Osmani është gabim dhe i duhen dy tri ditë derisa ta shohë që është gabim.”- ka thënë Hoti për RTK-në.

  • 9:27

    DOKUMENTI i parë i marrëveshjes në Shtëpinë e Bardhë me Serbinë që rrezikoi të prishë koalicionin në Kosovë

    Dokumeti i marreveshjes se parë

    Është zbardhur versioni i parë i dokumentit të propozuar në fillim për marrëveshjen Kosovë-Serbi në Shtëpinë e Bardhë në Uashington, por më vonë ajo është ndryshuar nga delegacioni kosovar që ishte gati të prishë koalicionin qeverisës. Ishte kreu i AAK-së dhe ish-kryeministri Ramush Haradinaj i cili zhvilloi një bisedë telefonike me Hotin pak para takimit në Uashington, duke kërcënuar me largimin nga qeveria, por më pas u tërhoq. Në bazë të dokumentit të publikuar nga RTV Dukagjini, shihet se rrezikohej e gjithë marrëveshja e jo vetëm koalicionin me qeverinë.  “Të dyja palët do të pajtohen të punojnë me Departamentin amerikan të Energjisë dhe subjektet e tjera të Qeverisë amerikane në një studim fizibiliteti, me qëllim të përdorimit të përbashkët të Liqenit të Gazivodës/Ujmanit, si furnizues i sigurt i ujit dhe energjisë. Të dyja palët do të shumëfishojnë burimet e tyre të energjisë.”- shkruhet në piëkn 16 të marrëveshjes.  Në dokumentin e parë të publikuar nga “RTVDukagjini” ishte shkruar që të dy palët ndajnë Liqenin e Ujmanit/Gazivodes për furnizim me ujë dhe energji. Pikë e cila nxiti reagimin e menjëhershëm të Haradinaj.  Kjo pikë më pas është ndryshuar, duke u zëvendësuar me studimin e fizibilitetit nga Departamenti për Energji i SHBA-ve.

    Por marrëveshja e plotë ka të botuar se nuk ka shkëmbim territoresh, por shkruhet se Serbia ka të drejtë që të përdorë liqenin e Ujmanit për t’u furnizuar me ujë të pijshëm dhe energji elektrike. Një tjetër detaj, është edhe dalja e Serbisë në portin e Durrësit, e gjitha kjo falë hekurudhës së dy vendeve që do të shtrihet nga “Adriatiku” deri në Serbi.  Gjithashtu  tjetër pikë që tërheq vëmendjen është edhe heqja e teknologjisë 5G dhe mospranimi i saj si nga Kosova ashtu edhe nga Serbia. Të vetmet gjëra që Kosova ka fituar nga marrëveshja janë ndalimi i fushatës së Beogradit për mosnjohjen e pavarësisë dhe fillimi i kërkimeve dhe identifikimit të të zhdukurve të luftës.

  • 8:57

    Nënshkrimi i marrëveshjes në SHBA mes Kosovës dhe Serbisë/ Grenell: Trump pasqyroi vizionin e tij

    Richard Grenell

    Emisari i Posaçëm i Shteteve të Bashkuara të Amerikës, për dialogun Kosovë-Serbi, Richard Grenell ka deklaruar se marrëveshja e nënshkruar nga kryeministri i Kosovës, Avdullah Hoti dhe presidenti i Serbisë, Aleksandër Vuçiç, në Shtëpinë e Bardhë, pasqyron vizionin e presidentit Donald Trump. Grennel ka sqaruar se çfarë përmban marrëveshja me dy shteteve  dhe ka theksuar se këtë nuk e gjeti në asnjë media amerikane. “Marrëveshja e së premtes pasqyron vizionin e presidentit Trump, të cilin e kishte prej kohësh për Kosovën dhe Serbinë, për t’u përqëndruar në zhvillimin ekonomik, krijimin e vendeve të punës dhe zhvillimin industrial si parakushte për zgjidhjen e përhershme të mosmarrëveshjeve politike. Besimi i tij që nga fillimi ka qenë se fillimisht duhet të bëhet krijimi i mundësive dhe të ardhmes për të rinjtë, sesa në fokusimi në pikët politike, simbolikës ose ndreqjes së gabimeve historike. Shtetet e Bashkuara do të kalojnë vitin e ardhshëm në zbatimin e këtyre marrëveshjeve të reja dhe njerëzit e qeverisë së Kosovës dhe Serbisë kanë besimin e plotë të Administratës së SHBA’së për t’i çuar ato përpara.”, shprehet ai.

    Reagimi i plotë:

    Presidenti i Serbisë, Aleksandër Vuçiq, dhe Kryeministri i Kosovës, Avdullah Hoti, bënë një hap të jashtëzakonshëm drejt një zgjidhjeje afatgjate të premten në mëngjes, lidhur me konfliktin e tyre historik. Në Shtëpinë e Bardhë, nën kujdesin e Presidentit Trump, Presidenti Vuçiq dhe Kryeministri Hoti, nënshkruan një marrëveshje të ndërmjetësuar për të arritur normalizimin ekonomik midis popujve dhe qeverive të Serbisë dhe Kosovës.  Që nga viti 2017, pozicioni i SHBA’së mbi konfliktin Serbi-Kosovë ka qenë që hapat drejt normalizimit ekonomik do ta zbehin fuqinë dhe rëndësinë e çështjeve politike të mosmarrëveshjeve. Palët kanë rënë dakord të ndërtojnë një autostradë dhe lidhje hekurudhore midis kryeqyteteve të tyre përkatëse, Beogradit dhe Prishtinës. Ata janë zotuar për të studiuar opsionet e fizibilitetit në mënyrë që të lidhet infrastruktura hekurudhore me një port në detin Adriatik. Të dy palët do të punojnë me Korporatën Financiare të Zhvillimit Ndërkombëtar të SHBA’së dhe Bankën Eksport-Import për të mbështetur këto projekte dhe për të siguruar financime për ndërmarrjet e vogla dhe të mesme. Të gjitha këto marrëveshje do të mundësojnë një qarkullim më të lirë dhe më efikas të njerëzve dhe mallrave përtej kufirit midis Serbisë dhe Kosovës. Sa i përket vetë kufirit, Serbia dhe Kosova kanë rënë dakord të hapin dhe funksionalizojnë Pikën e Përbashkët Kufitare në Merdare, për të njohur diplomat dhe certifikatat profesionale të njëri-tjetrit dhe për t’u futur në “zonën mini-Shengen”, të njohur nga Serbia, Shqipëria dhe Maqedonia e Veriut në tetorin e 2019’tës. Së shpejti do të jetë më lehtë se kurrë që serbët dhe kosovarët të jetojnë, punojnë, tregtojnë dhe studiojnë në lagjet, kompanitë dhe universitetet e njëri-tjetrit.  Ndoshta më e rëndësishmja për popujt e këtyre shteteve, për palët e përfshira në negociata dhe për historinë dhe të ardhmen e rajonit – është marrëveshja e re për të shpejtuar përpjekjet për të gjetur dhe identifikuar mbetjet e personave të zhdukur nga lufta që përfundoi vetëm dy dekada më parë. Të dy palët janë zotuar të identifikojnë dhe zbatojnë zgjidhje afatgjate, të qëndrueshme për refugjatët dhe personat e zhvendosur brenda vendit, dhe secila është zotuar të identifikojë një pikë kontakti për të udhëhequr këto përpjekje brenda ministrive të tyre përkatëse të qeverive, për t’u koordinuar midis kryeqyteteve dhe për të siguruar një azhurnim vjetor, mbi numrin e çështjeve të zgjidhura dhe atyre që do të zgjidhen. Marrëveshja gjithashtu zbaton një moratorium një vjeçar në kërkimin e Kosovës për anëtarësim të ri në organizatat ndërkombëtare dhe një moratorium një vjeçar për fushatën e njohjes së Serbisë kundër Kosovës – dy nga plagët më të mëdha të hapura nga konflikti, tani janë në rrugën drejt zgjidhjes.  Marrëveshja e së premtes pasqyron vizionin e presidentit Trump, të cilin e kishte prej kohësh për Kosovën dhe Serbinë, për t’u përqëndruar në zhvillimin ekonomik, krijimin e vendeve të punës dhe zhvillimin industrial si parakushte për zgjidhjen e përhershme të mosmarrëveshjeve politike. Besimi i tij që nga fillimi ka qenë se fillimisht duhet të bëhet krijimi i mundësive dhe të ardhmes për të rinjtë, sesa në fokusimi në pikët politike, simbolikës ose ndreqjes së gabimeve historike. Shtetet e Bashkuara do të kalojnë vitin e ardhshëm në zbatimin e këtyre marrëveshjeve të reja dhe njerëzit e qeverisë së Kosovës dhe Serbisë kanë besimin e plotë të Administratës së SHBA’së për t’i çuar ato përpara.  Si një demonstrim i mirëbesimit nga të dy palët ndaj SH.B.A.-së, Serbia dhe Kosova, gjithashtu u zotuan të Premten për të bashkëpunuar me disa prioritete kryesore të politikës së SHBA’së në rajon. Të dy palët u zotuan të mbrojnë dhe promovojnë lirinë e fesë, duke përfshirë komunikimin e rinovuar ndërfetar, mbrojtjen e vendeve fetare dhe kthimin e pasurisë hebreje të epokës së Holokaustit. Të dy ranë dakord të përcaktojnë Hezbollahun në tërësinë e saj si një organizatë terroriste dhe të zbatojnë plotësisht masat për të kufizuar operacionet dhe aktivitetet financiare të Hezbollahut në juridiksionet e tyre. Të dy ranë dakord të punojnë me qeverinë e SHBA’së për të dekriminalizuar homoseksualitetin në 69 vendet ku aktualisht është i paligjshëm. Dhe, ndoshta më e rëndësishmja nga të gjitha, Serbia është zotuar të zhvendosë ambasadën e saj në Izrael nga Tel Aviv në Jeruzalem, ndërsa Kosova ka rënë dakord për njohjen reciproke me Izraelin. Në vijim të marrëveshjes së paqes së 13 gushtit midis Izraelit dhe Emirateve të Bashkuara Arabe, marrëveshja e së premtes midis Kosovës dhe Serbisë, ndërmerr hapa drejt normalizimit ekonomik dhe një bashkëjetesë eventuale paqësore, gjithashtu tregon arritjet e Presidentit Trump dhe angazhimin e shëndoshë të administratës së tij në të gjithë botën. Kur qeveria amerikane i jep përparësi diplomacisë para forcës, mirëkuptimit para kërcënimit, bota duhet të përfitojë.

  • 8:57

    “Pika 10 vija e kuqe për ne”, Kryeministrja serbe: Nuk kemi nënshkruar asgjë me Prishtinën, mënyra e vetme pa e njohur Kosovën

    Kryeministrja serbe, Ana Brnabiç

    Dy ditë pas nënshkrimit të marrëveshjes me SHBA kryeministrja serbe Ana Brnabiç ka deklaruar për “Prva TV” se marrëveshja e nënshkruar në Uashington, për serbët ishte një marrëveshje historike. “Delegacioni i Prishtinës ishte nën presion nëse duhet të nënshkruante, dhe unë mendoj se kjo është një marrëveshje e mirë edhe për ta. Pika e dhjetë e marrëveshjes ishte ‘vija e kuqe’ për ne, dhe Vuçiç e bëri të qartë, kështu që ajo pikë u tërhoq.”- tha Brnabiç. Ndër të tjera ajo shtoi se serbët “e luajtën lojën” në një farë mënyre, ku thekson se qeveria serbe nuk ka nënshkruar asnjë marrëveshje me Kosovën dhe se me ndërmjetësimin e SHBA-së gjetën mënyrën e duhur për të mos e njohur atë.  “Ne nuk kemi nënshkruar asgjë me Prishtinën, Amerika është ndërmjetësi ynë. Ne duhej të gjenim një mënyrë krijuese, si t’i drejtohemi të ardhmes, pa e njohur Kosovën”, shtoi Brnabiç.

Shto Koment