Aktualitet

“Më shan kur*ë dhe më kërcënon me thikë”, jetojnë në dhoma të ndara, nënë Emineja tregon vuajtjet krah Mustafait të moshuar, ndërhyn djali: Ndikohet nga fjalët e fshatit

Nga krahu tjetër në një lidhje direkte në studio ndërhyri dhe djali i nënë Eminesë. Ai u shpreh se është i sëmurë dhe prej sëmundjes është detyruar që të kthehet nga emigrimi në Greqi. Për sa i përket situatës me babain, djali tha se babai i tij influencohet nga fjalët e personave të tjerë në fshat. Ata sipas djalit vazhdimisht shprehen se Emineja duhet të qëndrojë me Mustafain dhe jo me djalin.
Featured image of article: “Më shan kur*ë dhe më kërcënon me thikë”, jetojnë në dhoma të ndara, nënë Emineja tregon vuajtjet krah Mustafait të moshuar, ndërhyn djali: Ndikohet nga fjalët e fshatit Nënë Emineja
Përditësuar:

TIRANË– Në studion e emisionit “Shqipëria Live” të drejtuar nga dysha e moderatorëve Erjona Rusi dhe Florian Gjini ishte e ftuar nënë Emineja. E moshuara vinte nga fshati Rrenas i Elbasanit. Ajo ishte e shqetësuar së shumti pasi prej vitesh kishte konflikte me bashkëshortin e saj 72 vjeçar. Konfliktet mes çiftit kanë nisur shumë vite më parë, kur ata bënë martesën e vajzës së tyre, ceremoni e cila i la me vështirësi të shumta ekonomike.

Në këto kushte duke mos gjetur gjuhën e përbashkët bashkëshorti i nënë Eminesë, Mustafai, u largua në drejtim të vajzave, ku jetoi dhe punoi prej më shumë se 12 vite tek ata. Kur u kthye ai jetonte brenda një shtëpie me djalin dhe gruan Emine, por në dhoma të ndara. Emineja shprehet në studio se është kërcënuar shpesh nga i shoqi me thikë, gjithashtu ai sistematikisht e ofendonte me fjalë banale, ku më të shpeshtat sipas saj janë etiketimet “ku**ë”. Këto u konfirmuan dhe nga i biri, i cili ndërhyri gjatë emisionit në një lidhje live. Djali i Eminesë, pretendon se problemet kanë nisur pasi babai influencohet shumë dhe nga fjalët e fshatit. Ai beson se të gjithë problemet në familjen e tyre nisin nga kjo.

Unë jetoj në dhomë me djalin dhe burri qëndron në një dhomë tjetër. Por djali i thërriste herë pas here dhe ai po ashtu. Një ditë isha duke punuar tokën pranë ullinjve dhe bashkëshorti erdhi dhe më thërriti dhe më kërcënoi. Vazhdimisht më shante, aty e nxirrte inatin. Pas kësaj vendosa që ta denoncoja në polici, por erdhi djali dhe më ndaloi ta bëja një veprim të tillë. Në momentin që i thash djalit, bashkëshorti, Mustafai, pushoi një farë kohe por më pas gjendja filloi përsëri si më parë. Ai merrte orenditë shtëpiake dhe i hidhte nëpër shtëpi, unë përpiqesha t’i fshihja që mos ta bënte një veprim të tillë. Në një moment Mustafai u sëmur dhe kërkoi ndihmën e nipi të tij për të shkuar në spital. Djali shkoi ta vizitonte por ai refuzoi ta takonte. Kur erdhi në shtëpi pasi doli nga spitali, unë i bëja ushqim që të hante dhe ai ankohej për gjellën që unë i përgatisja. Ai gjithmonë më shanë “Kurvë”, u shpreh nënë Emineja.

Për më shumë bëhu pjesë e grupit më viral në Facebook, Dosja.al

Nga krahu tjetër në një lidhje direkte në studio ndërhyri dhe djali i nënë Eminesë. Ai u shpreh se është i sëmurë dhe prej sëmundjes është detyruar që të kthehet nga emigrimi në Greqi. Për sa i përket situatës me babain, djali tha se babai i tij influencohet nga fjalët e personave të tjerë në fshat. Ata sipas djalit vazhdimisht shprehen se Emineja duhet të qëndrojë me Mustafain dhe jo me djalin.

Unë kam vite që vuaj nga Hernie Diskale. Në kohën që unë kam qenë emigrant në Greqi kam pasur dhimbje tek pjesa e fund-shpinës, nuk kisha fuqi të punoja dhe kisha shumë dhimbje. Isha në Elbasan në momentin që mamaja është konfliktuar me babain. Sapo e mësoj se çfarë ka ngjarë shkoj menjëherë në shtëpi dhe shikoj mamanë që po drejtohej drejt policisë për të denoncuar babain. Unë e qetësova dhe e ndalova që të bënte një veprim të tillë. Babai influencohet shumë nga fjalët e fshatit, përpos vështirësive ekonomike kjo është dhe një tjetër shqetësim. Vazhdimisht babait i thonë që mama Emineja duhet të qëndroj me të dhe jo me mua”, u shpreh djali.

Marrë nga Top Channel

Shto Koment