AktualitetSport

Në Shqipëri janë të ndaluara, shqiptari i Kosovës i sjell me çantë për ndeshjen ndaj Francës, Policia e ndalon në kufi

Tifozi me iniciale B.M., bashkë me disa persona të tjerë ishte nisur për në Tiranë për të parë ndeshjen kundër Francës.
Featured image of article: Në Shqipëri janë të ndaluara, shqiptari i Kosovës i sjell me çantë për ndeshjen ndaj Francës, Policia e ndalon në kufi Çanta me fishekzjarret

KUKËS–  Një çantë plot me fishekzjarrë është sekuestruar në kufirin e Morinës, pasi një shtetas nga Kosova po tentonte që ta fuste në territorin e Shqipërisë.

Tifozi me iniciale B.M., bashkë me disa persona të tjerë ishte nisur për në Tiranë për të parë ndeshjen kundër Francës.

Policia ka shtuar masat e kontrollit duke filluar që në hyrje në pikat e kalimit kufitarë dhe deri në momentin që tifozët do hyjnë në stadium,“-shkruhet në deklaratën e Policisë. 

NJOFTIM I PLOTË:

Policia e Shtetit

Në kuadër të masave të marra për garantimin e rendit dhe sigurisë , parandalimin e futjes së fishekzjarrëve dhe kapsollave në stadium gjatë ndeshjes që do luhet mbrëmjen e sotme në stadiumin “Arena Kombëtare”, në Tiranë, Policia ka shtuar masat e kontrollit duke filluar që në hyrje në pikat e kalimit kufitarë dhe deri në momentin që tifozët do hyjnë në stadium.

Si rezultat i masave të marra, Policia Kufitare e Morinës gjatë kontrollit të ushtruar së bashku me autoritetin doganor në autobusin me drejtues shtetasin kosovar B. M, gjeti një çantë shpine me fishekzjarrë dhe kapsolla, të cilat u sekuestruan në cilësinë e provës materiale.

Në këtë autobus udhëtonin në mënyrë të organizuar shtetas kosovarë për të marrë pjesë në ndeshjen e futbollit Shqipëri-Francë.

Kontrollet e rrepta do vijojnë në të gjitha pikat e kalimit kufitar, dhe në çdo ambient ku dyshohet se mund të ketë fishekzjarre dhe kapsolla, si dhe për elementë me precedent kriminal që mund të tentojnë për të hyrë në stadium.

Drejtori i Përgjithshëm i Policisë së Shtetit, gjatë takimit të bërë paradite me grupin e punës për menaxhimin e masave të marra për mbarëvajtjen e aktivitetit ndërkombëtar, kërkoi nga të gjitha strukturat e Policisë , angazhim, seriozitet, përkushtim për përmbushjen e detyrave .

Policia e Shtetit kërkon mirëkuptimin e tifozërisë dhe sportdashësve që të respektojnë me rigorozitet gjithë udhëzimet e dhëna nga Policia dhe Federata e Futbollit, dhe të mos tentojnë për të futur në stadium sende të kundërligjshme pasi do përballen me pasojat ligjore.

(k.m/dosja.al)

Shto Koment