Aktualitet

I dënuar në Itali për vjedhje me dhunë, arrestohet 25-vjeçari në Durrës

25-vjeçari ishte dënuar nga gjykata e Firences me 6 vjet e 10 muaj e 22 ditë burgim për kryerjen e veprës penale ” Vjedhje me dhunë “.
Featured image of article: I dënuar në Itali për vjedhje me dhunë, arrestohet 25-vjeçari në Durrës

DURRËS- Policia e Durrësit ka vënë në pranga një 25-vjeçar të shpallur në kërkim ndërkombëtar, i dënuar me 6 vjet e 10 muaj e 22 ditë burgim, nën akuzën e vjedhjes me dhunë.

I arrestuari është shtetasi me iniciale, R.T., 25 vjeç, banues në Durrës, të cilin Gjykata Firences e kishte dënuar me ka dënuar me 6 vjet e 10 muaj e 22 ditë burgim për kryerjen e veprës penale ” Vjedhje me dhunë “.

Njoftimi i policisë:

Durrës

Vijon puna për kapjen e persona të shpallur në kërkim ndërkombëtar.

Arrestohet një shtetas shqiptar me qëllim ekstradimi drejt Italisë, i dënuar me 6 vjet e 10 muaj e 22 ditë burgim, për kryerjen e veprës penale “Vjedhje me dhunë ”.

Strukturat e Drejtorisë Vendore të Policisë Durrës, në bashkëpunim me Interpol Tirana dhe me Zyrën e Interforcës të Policisë italiane, pas informacioneve të marra dhe një pune të mirë organizuar, arrestuan përkohësisht me qëllim ekstradimi drejt Italisë shtetasin shqiptar të shpallur në kërkim ndërkombëtar:

  • R.T., 25 vjeç, banues në Durrës.

Shtetasi R.T., ishte i shpallur në kërkim ndërkombëtar pasi Gjykata Firences/Itali, më datë 29.09.2017, e ka dënuar me 6 vjet e 10 muaj e 22 ditë burgim për kryerjen e veprës penale ” Vjedhje me dhunë “.

Materialet hetimore i kaluan Prokurorisë Pranë Gjykatës së Shkallës së Parë Durrës për veprime të mëtejshme.

(a.m/dosja.al)

Shto Koment