Sport

Në Itali e bëjnë të sigurtë! E ardhmja e Pirlos në stolin e Juventusit mund të vuloset me Udinesen

Pas barazimit në Firence vetë Pirlo i ka komunikuar drejtuesve synimin për të bërë një hap pas, nëse diçka e tillë do të konsiderohej e dobishme, edhe pse më pas të dyja palët ranë dakord për të marrë më tepër kohë
Featured image of article: Në Itali e bëjnë të sigurtë! E ardhmja e Pirlos në stolin e Juventusit mund të vuloset me Udinesen Andrea Pirlo

ITALI-Fati i Andrea Pirlos është vulosur: ai nuk do të jetë më trajneri i Juventusit në sezonin 2021/22. Kjo është pothuajse e sigurtë. Çështja sot është se divorci mund të vijë edhe më herët. Pas barazimit në Firence vetë Pirlo i ka komunikuar drejtuesve synimin për të bërë një hap pas, nëse diçka e tillë do të konsiderohej e dobishme, edhe pse më pas të dyja palët ranë dakord për të marrë më tepër kohë.

Nga ky këndvështrim, pra, rezultati me Udinesen kthehet në vendimtar, pasi një tjetër hap fals që do të komplikonte më tej ecurinë drejt Championsit, në mënyrë të paevitueshme sipas mediave italiane do të sjellë largimin e trajnerit. Mendohet se për katër ndeshjet e mbetura do ti drejtojë zëvnedësi i ish-mesfushorit Igor Tudor.

Për më shumë bëhu pjesë e grupit më viral në Facebook, Dosja.al

Vendi i katërt është objektivi minimal, pasi një renditje më e keqe do të konsiderohej një falimentim katastrofik, dhe për këtë arsye nga Friuli duhet marrë një rezultat pozitiv.

E.Ç (Dosja.al)

Etiketa:

Shto Koment