Politike

Ndryshimi i versioneve të Lleshaj për grabitjen në Rinas, Vasili: I lajthitur krejt!

  • S’gjen qetësi me versionet Lleshaj: Siguria Kombëtare s’cënohet nga 5 persona
  • Ish-kreu i grupit parlamentar të LSI-së, Petrit Vasili ka vënë në dukje deklaratat kundërshtuese që Lleshaj ka dhënë që prej ditës kur edhe ndodhi grabitja
    Featured image of article: Ndryshimi i versioneve të Lleshaj për grabitjen në Rinas, Vasili: I lajthitur krejt! Petrit Vasili dhe Sandër Lleshaj

    TIRANË– Ish-kreu i grupit parlamentar të LSI-së, Petrit Vasili ka reaguar lidhur me fjalën e ministrit të Brendshëm, Sandër Lleshajt në Kuvend. (Lexo këtu)

    Me anë të një statusi në Facebook, Vasili ka vënë në dukje deklaratat kundërshtuese që Lleshaj ka dhënë që prej ditës kur edhe ndodhi grabitja.

    “Kemi CËNIM dhe jo rrëzim të sigurisë, nuk mund të flasim për rrëzim të sigurisë kombëtare për atë incident që ndodhi në Rinas”, Po i njëjti ministër i Brendshëm po në Parlament sot deklaron krejt të kundërtën: “Siguria kombëtare e Shqipërisë nuk mund të cënohet nga një grup prej pesë vetësh që cënojnë sigurinë në aeroportin e kryeqytetit,”-tha Lleshaj.

    Më tej, Vasili shkruan se Shqipëria nuk ka ministër të Brendshëm por një “damlla” të inkriminuar, i cili nuk kap kriminelët por protestuesit.

    Postimi i plotë:

    Gjatë seancë së sotme plenare ministri i Brendshëm, Sandër Lleshaj  ka ndryshuar prapë versionin e tij për grabitjen e 10 milionë eurove në Rinas. Lleshaj u shpreh se nuk është cënuar siguria kombëtare në vend por pranoi se ngjarje ishte shumë e rëndë. Lleshaj theksoi se Siguria Kombëtare s’cënohet nga 5 persona.

    (k.m/dosja.al)

    Shto Koment