Politike

Ndryshimet në Kodin Penal/ Balla sulmon Metën: Nenin për filmimet s’e ke lexuar, s’e ka pasur njeri për përgjimet e referuara në Presidencë

Balla ka hedhur akuza kundër Ilir Metës, duke thënë se Presidenti nuk i ka lexuar fare nenet që ka kthyer.

TIRANË- Taulant Balla nga foltorja e Kuvendit ka vijuar me sulmet kundër Presidentit, Ilir Meta. Sot në Kuvend janë diskutuar dekretat e kthyera nga Presidenti, mes tyre dhe ndryshimet me Kodin Penal.

Balla ka hedhur akuza kundër Ilir Metës, duke thënë se Presidenti nuk i ka lexuar fare nenet që ka kthyer. Po ashtu e ka bërë fajtor dhe për disa ngjajre që kanë ndodhur ditiët e fundit, që sipas Ballës mund të ishin shmangur me ndryshimet në Kodin Penal.

Meta nuk ka kuptuar se kush ka qenë thelbi i ndryshimeve në Kodin Penal. Në se do kishte hyrë në korrik, tani në shtator mund të kishim pasur raste të para që abuzojnë me sigurinë ushqimore të shqiptarëve, u vonuam dy muaj vetëm prej presidentit. Ai e ka vetë pozicionuar presidencën në një nga selitë e opozitës. Asnjë fjalë në dekret për këtë çështje. Dhuna në stadiumi patjetër. Nëse presidenti s’do e kishte pozicionuar si bashkë-drejtues i opozitës, nuk do kishte ndodhur dhuna në ndeshjen në Shkodër. Dhuna në stadium, dhuna ndaj mjekëve, punonjësve të policisë. Nuk e ka lexuar fare nenin atë për ndërhyrje të padrejta në jetën private. Qëllimi ka qenë për të garantuar respektimin e të drejtave të fëmijëve që u shërpdorohen fotografitë që i përdorin kolegët pa teklifë. S’e ka pasur njeri për video përgjimet të referuara në Presidencë“, tha Balla.

Seanca e sotme në Kuvend ka kaluar pa debate të nxehta. Deputetët kanë diskutuar për dekretet e Presidentit, të cilat janë rrëzuar me shumicë votash. Është miratuar sot ligji për Akademinë e Shkencave dhe ndryshimet në Kodin Penal. Maxhoranca ka hedhur akuza kundër Metës, duke thënë se nuk ishte bazuar askund në kthimin e ligjeve. Opozita e re kërkoi diskutime për Reformën Zgjedhore.

(A.B. Dosja.al)

Shto Koment