Aktualitet

Ndjekje si në filma “BMW”-së në Fushë Krujë, shoferi bën të fortin, ‘karshillëk’ policëve me shpejtësinë

39-vjeçari ka qenë duke udhëtuar me një mjet tip “BMW”, kur është urdhëruar të ndalojë, por ai ka vazhduar rrugën, pa u shqetësuar aspak.
Featured image of article: Ndjekje si në filma “BMW”-së në Fushë Krujë, shoferi bën të fortin, ‘karshillëk’ policëve me shpejtësinë Foto ilustruese

DURRËS- Një 39-vjeçar nga Fushë Kruja ka përfunduar në pranga, pasi nuk i është bindur urdhërit për të ndaluar.

39-vjeçari ka qenë duke udhëtuar me një mjet tip “BMW”, kur është urdhëruar të ndalojë, por ai ka vazhduar rrugën si pa të keq.

Më pas policia ka arritur ta ndalojë drejtuersin e mjetit, i cili ka kundërshtuar dhe kanosur punonjësit. Sipas njoftimit të policisë, mësohet se në pranga ka rënë shtetasi E.K, 39 vjeç, banues në Fushë Krujë, i dënuar me parë për vepra të ndryshme penale.

Njoftimi i policisë:

Durrës
Masa për rritjen e parametrave të sigurisë rrugore në fundjavë. Arrestohet në flagrancë në Krujë një 39 vjeçar, pasi duke drejtuar mjetin në gjendje të dehur dhe me leje Drejtimi të pezulluar, nuk i është bindur urdhrit të punonjësve të policisë për të ndalur, por ka kundërshtuar e kanosur ata. Arrestohet në Durrës edhe një 28 vjeçar për drejtim mjeti pa Leje Drejtimi.

Gjatë natës dhe orëve të para të mëngjesit janë pezulluar 24 Leje drejtimi, nga këto 13 për drejtim mjeti nën efektin e alkoolit dhe 11 për shpejtësi tej normave të lejuara.

Për më shumë bëhu pjesë e grupit më viral në Facebook, Dosja.al

Policia Rrugore e Durrës në zbatim të planit të masave për parandalimin e aksidenteve rrugore si dhe për marrjen e masave shtesë në fundjave, me qëllim rritjen e parametrave të sigurisë rrugore, ka shtuar shërbimet në të gjithë territorin e qarkut Durrës.

Në këtë kuadër në Fushë Krujë në orët e mbrëmjes së djeshme është arrestuar në flagrancë shtetasi E.K, 39 vjeç, banues në Fushë Krujë, i dënuar me parë për vepra të ndryshme penale.

Ky shtetas duke drejtuar mjetin B.M.W.në qytetin e Fushë Krujës, nuk i është bindur Policisë për të ndaluar kur i është dhënë shenja e ndalimit por ka vijuar lëvizjen. Patrulla e Policisë i është vënë në ndjekje duke bërë bllokimin e mjetit së bashku me drejtuesin shtetasin E.K, të cilin e ka shoqëruar në Stacionin e Policisë Fushë Krujë.

Gjatë shoqërimit shtetasi E.K, ka kanosur e fyer punonjësit e policisë. Policia Rrugore i ka bërë testin e alkoolit , ku rezultoi se drejtonte mjetin në gjendje të dehur në masën 0.80 mg/litër. Njëkohësisht nga verifikimi i dokumentacionit të mjetit rezultoi se drejtonte mjetin me Leje Drejtimi, pasi i ishte pezulluar më parë për shpejtësi mbi normat e lejuara.

Materialet i kaluan Prokurorisë së Rrethit Gjyqësor Durrës për veprat penale “Drejtim mjeti në mënyrë të pa rregullt” “Kanosje” dhe “Mosbindje e urdhrit të policisë”.

(a.m/dosja.al)

Shto Koment