BotaShowbiz

Ndërtime të paligjshme edhe në Los Angeles, babait të motrave Hadid do t’i shembet shtëpia

Gjykata ka deklaruar se prishja do të zgjaste gjashtë muaj dhe do të kushtonte disa milion dollarë.
Featured image of article: Ndërtime të paligjshme edhe në Los Angeles, babait të motrave Hadid do t’i shembet shtëpia Shtepia e babait te motrave Hadid

Los Angeles-   Babai i dy super modeleve Bella dhe Gigi Hadid,  Mohamed Hadid është urdhëruar nga Gjykata e Los Angeles  për të shembur shtëpinë e tij 100 milionë dollarëshe.

Kjo ka ardhur pasi fqinjët janë ankuar për madhësinë e saj, ndërsa gjykata e ka vlerësuar si  të rrezikshme për pronat e tjera në zonë.

Gjykatësi tha: “Nëse kjo shtëpi do të rrëzohej nga ky pozicion që është do të merrte para një pjesë të lagjes.”

Pas vendimit që zoti Hadid i tha TMZ shtëpia: Nuk ka lëvizur asnjë milimetër! Ajo kurrë nuk ka qenë një rrezik i afërt për fqinjët.

Ai gjithashtu tha që shumë inspektorë të qytetit kishin monitoruar procesin e ndërtimit që prej fillimit në vitin 2012 dhe shqetësimet nuk kishte deri në vite më vonë.

Gjykata dëgjoi se prishja do të zgjaste gjashtë muaj dhe do të kushtonte disa milion dollarë.

Disa fqinjë kanë paditur Z. Hadid duke pretenduar se ata jetonin në “frikë të vazhdueshme” nga shembja e saj, dhe se “intimiteti dhe qetësia e tyre u pushtua nga struktura e paligjshme dhe e paturpshme që ka mbi ta”.

Por inxhinierët që bënë verifikimet konfirmuan se se ndërtuesit nuk i kanë respektuar rregullat e ndërtimit.

Burimi: The telegraph

A.C/Dosja.al

Shto Koment