Aktualitet

Masat kundër COVID-19, “Air Albania” dhe “Austria Airlines” ndërpresin fluturimet

Në dy njoftime Tirana Internacional Airport, bën me dije se “Air Albania”, nuk do ketë më udhëtime drejt Stambollit, ndërsa “Austria Airlines”, nuk do ketë udhëtime prej datës 19 mars.
Featured image of article: Masat kundër COVID-19, “Air Albania” dhe “Austria Airlines” ndërpresin fluturimet Aeroporti i Rinasit

TIRANË- Kompanitë e Fluturimit “Air Albania” dhe “Austria Airlines” kanë njouar ndërprejen e fluturimeve për shkak të situatës më Covid-19. Në dy njoftime Tirana Internacional Airport, bën me dije se “Air Albania”, nuk do ketë më udhëtime drejt Stambollit, ndërsa “Austria Airlines”, nuk do ketë udhëtime prej datës 19 mars.

NJOFTIMI 1: Në vijim të situatës së krijuar për shkak të përhapjes së koronavirusit (COVID-19), Air Albania ka njoftuar se fluturimet e darkës, ZB1003 dhe ZB1004 për Stamboll do të ndërpriten duke filluar nga data 18 Mars 2020 deri më 30 Mars 2020. Fluturimet e mëngjesit ZB1001 dhe ZB1002 do të operojnë normalisht sipas orareve të përcaktuara. Për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit.

NJOFTIMI 2: Nga data 19 Mars 2020, ndërpriten fluturimet me Austrian Airlines. Në vijim të situatës së krijuar për shkak të përhapjes së koronavirusit (COVID-19), Austrian Airlines ka njoftuar se duke filluar nga data 19 Mars 2020 do të ndërpresë të gjitha fluturimet deri në një njoftim të dytë. Për veprime të mëtejshme, ju lutemi pasagjerëve të kontaktojnë kompaninë ajrore apo agjencitë e udhëtimit.

Për më shumë bëhu pjesë e grupit më viral në Facebook, Dosja.al

Bilanci i COVID-19 në Shqipëri ka shkuar në 51 të prekur. Shkon në 7 numri i mjekëve dhe infermierëve të infektuar, nga Spitali i Durrësit dhe spitali “Shefqet Ndroqi”. Disa ditë më parë një prej të prekurve, ndërroi jetë në Spitalin e Durrësit ndërsa deri më tani vatra e të infektuarve është zgjeruar në Tiranë, Rrogozhinë, Elbasan, Durrës, Lushnje dhe Fier. Ndërkohë jeta në vend është paralizuar thuajse totalisht, nuk ka transport publik, po ashtu dhe shumë vende punë janë mbyllur. Shumë qytete janë në ‘shtet-rrethim’ dhe është ndaluar dhe lëvizja e makinave private. Dje është miratuar dhe Akti Normativ, që detyron spitalet private që të jenë në shërbim të shtetit gjatë periudhës së emergjencës dhe kush nuk bindet do ketë gjobë deri në 5 milionë Lekë. Po ashtu gjoba do ketë dhe për ata që thyejnë rregullat e vendosura nga qeveria. E vetmja këshillë e përbashkët e institucioneve dhe mjekëve është që qytetarët të qendrojnë në shtëpi dhe të kenë sa më pak kontakte me të tjerët.

(A.B. Dosja.al)

Shto Koment