Politike

Krisja e dytë/ “Gjithkush e di që dasmat nuk i ndalon njeri”, Ndreu sulmon Lleshajn: Policia po diskriminon pronarët e lokaleve në Lezhë… (REPLIKA)

Teksa i bashkohet shqetësimit të pronarëve të lokaleve të dasmave në Lezhë, të cilët një ditë më pare protestuan për situatën e krijuar, Ndreu përmendi me emra qytetet e tjera të favorizuara.
Featured image of article: Krisja e dytë/ “Gjithkush e di që dasmat nuk i ndalon njeri”, Ndreu sulmon Lleshajn: Policia po diskriminon pronarët e lokaleve në Lezhë… (REPLIKA) Sander Lleshaj dhe Pjerin Ndreu

LEZHË– Kryebashkiaku i Lezhës, Pjerin Ndreu ka ngitur pretendime se në qytetin e tij është bërë një ndalim selektiv i ceremonive martesore. Teksa i bashkohet shqetësimit të pronarëve të lokaleve të dasmave në Lezhë, të cilët një ditë më pare protestuan për situatën e krijuar, Ndreu përmendi me emra qytetet e tjera të favorizuara. Në postimin e tij në Facebook, ai bën thirrje që ndalimi, përcaktuar me akt normativ për shkak të koronavirusit, të jetë njësoj për të gjithë.

“Jam pro shqetësimit të pronarëve të lokaleve të dasmave në Lezhë. Që ka diskriminim me qytetet e tjera është krejt e qartë. Gjithkush e di se dasmat ne Shkodër, Tiranë, Durrës, Vlorë etj. nuk i ndalon askush. Shqetësimi ynë është adresuar disa herë. Dikush do dalë të thojë se Akti Normativ thotë këtë dhe atë. Po dakord, po njëlloj për të gjithë. Ose nje protokoll me numër të limituar pjesëmarrësish, sepse është shumë e rëndë t’i ndalosh dasmën tjetrit. Ata që i shkruajnë ca gjëra si duket se kanë haberin se ca dmth me të prishë dasmën…,”-shkruan Ndreu. 

Por a është reagimi një “rrufe” në qiell të hapur?

Për më shumë bëhu pjesë e grupit më viral në Facebook, Dosja.al

Mundet, por Ndreu pati një përplasje me ministrin e Brendshëm, Sandër Lleshaj disa javë më herët në lidhje me sezonin turistik dhe marrjen e masave nga policia. Ndreu tha se policia duhet të vëjë në dijeni edhe bashkinë për lokalet që prishen, ndërsa Lleshaj tha se kishte shumë gjëra për Ndreun që do të preferonte t’i thoshte jashtë kamerave. Krisja është zyrtare, dhe pritet të shihet sesi dy të besuarit e Ramës do të bashkëpunojnë me njëri-tjetrin në zgjedhjet e 2021, ku Lleshaj është edhe i deleguari i PS në Lezhë.

(k.m;f,g/dosja.al)

Shto Koment