Aktualitet

Dita e 24-të në grevë/ Naftëtarja e Ballshit tenton të vrasë veten, shoqet e ndalojnë të presë damarët, i drejtohet Metës: Pse nuk na takon?

VIDEO
Gratë naftëtare hyjnë sot në ditën e 24-të të grevës së tyre të urisë. Duket se sa më shumë që kalojnë ditët aq më shumë rëndohet gjendja e tyre psikologjike.
Featured image of article: Dita e 24-të në grevë/ Naftëtarja e Ballshit tenton të vrasë veten, shoqet e ndalojnë të presë damarët, i drejtohet Metës: Pse nuk na takon? Pamje nga greva dhe Ilir Meta
Përditësuar:

BALLSH–Mbrëmjen e djeshme një nga naftëtaret e Ballshit ka tentuar të vrasë veten duke prerë damarët. Kanë qënë shoqet e saj të cilat e kanë ndaluar atë që të kryente këtë akt të tmerrshëm.

Gratë naftëtare hyjnë sot në ditën e 24-të të grevës së tyre. Ato shprehen se nuk kanë më shpresa e se shteti i ka braktisur. Për ngjarjen ka folur vetë gruaja e cila u mundua të flijohej.

‘Nuk kishte ku të vinte me keq, nata më e keqe e jetës e jetës time. U gëzuam që erdhi në Bylis burri i parë i vendir, Ilir Meta, por e ka parë më të arsyeshme të dekoronte sesa të vinte te gratë greviste. Jam shumë keq, emocionalisht. Do vetëflijojem, nuk ka ku të vejë më .‘- deklaroi gruaja që tentoi mbrëmjen e djeshme të priste damarët.

Për më shumë bëhu pjesë e grupit më viral në Facebook, Dosja.al

‘Njëra prej nesh tentoi të vrasë veten, e ndaluam të priste damarët. Nuk kemi më shpresa, shteti na ka braktisur. Meta ishte në Bylis, mund të kishte ndaluar te ne ’.- shprehen gratë naftëtare.

 ‘Shoqja ime doli në korridor mori thikë por ne nuk e kuptuam vetëm tha flinin tani se erdhi ora të flem gjumë dhe u gdhifshi mirë nesër. E kemi përjetuar keq. Është një tmerr i vërtet. Nuk e di, të kërkosh bukën e gojës duhet të flijohet një grua, nje zonjë që të fitojnë naftëtarët? Jo jo. Ne kauzën e kemi të drejtë nuk jemi gra të shoë por jemi gra të bukës së gojës. E kupton çfarë sakrificë bëri shoqja ime? Nuk e besoj si e kam këtu në krah sot. Nuk e di presim një zgjidhje sa më parë të mos ndodhi diçka që të ndahet nëna nga fëmija. Në këtë kohë pandemie kur fëmjët skanë as bukë, në rrimë këtu që t’iu çojmë pak bukë fëmijëve. Shumë e vështirë, katastofë është për mua. Katastrofë edhe për vëllezërit naftëtarë që na mbështesin deri në 10 të darkës, edhe 24 orë kanë ndenjur. Kur i kërkova dje njërit një pako paracetamol, më tha se nuk ka lekë do të iki ta marr atje me të shënuar dhe ma solli. Ja ky është realisteti në Mallakastër, në Ballsh” – tha një prej grave naftëtare.

Naftëtarët e uzinës në Ballsh kanë hyrë në një grevë urie prej 22 ditësh, ndërsa prej 24 ditësh atyre iu janë bashkuar edhe gratë e tyre. Grevistët kërkojnë marrjen e masave urgjente nga qeveria për të siguruar pagesën e 9 muajve rrogë që e kanë fituar në gjykatë, rinisjen e punës dhe njohjen e librezave të punës ku shënohen sigurimet shoqërore dhe vitet e punës. Gjendja e tyre sa vete dhe rëndohet, ndërsa ata refuzuan edhe thirrjen e kryeministrit Edi Rama, i cili kërkoi ndërprerjen e grevës dhe nisjen e dialogut me qeverinë, por pa zgjidhje konkrete.

(A.B)/Dosja.al

Shto Koment