Aktualitet

“Na ke lënë të shokuar, ditë e trishtë“, miqtë dhe familjarët e pedagogut që vdiq në aksident përlotin rrjetin

Përmes statuseve në rrjetet sociale, familjarët dhe të afërmit e Ollomanit tregojnë se jeta e tyre nuk do të jetë më njësoj pas pedagogun.
Featured image of article: “Na ke lënë të shokuar, ditë e trishtë“, miqtë dhe familjarët e pedagogut që vdiq në aksident përlotin rrjetin Fitor Ollomani

KUKËS– Familjarë dhe miq të pedagogut Fitor Ollomani, i cili humbi jetën paraditen e sotme në një aksident automobilistik në aksin Milot-Morinë, kanë shprehur dhimbjen pas kësaj ngjarjeje. Përmes statuseve në rrjetet sociale, familjarët dhe të afërmit e Ollomanit tregojnë se jeta e tyre nuk do të jetë më njësoj pas pedagogun.

‘Nje aksident tragjik i ndodhur ne Milot, i ka marre jeten e Prof.dr. Fitor Ollomani, prodekan në Fakultetin e Filologjisë në Universitetin “Fehmi Agani”në Gjakovë në moshen 35 vjeqare. Vdekja e tij në moshen më të re, na ka lënë të shokuar të gjithëve! Profesor Ollomani ishte dhe mbetet një ikon e gjuhësisë! Në emër të studentëve dhe stafit të UFAGj-së i shpreh ngushellime familjes, te dashurve, studentëve dhe të gjithë të afermve! Pusho në paqe Profesor!‘- shkruan një prej tyre.

‘Ky është pedagogu, Fitor Ollomani nga Kukësi që humbi jetën në rrugën e Kombit.  Ngjushëllime familjes!‘- shkruan një tjetër.

‘Sot në Kukës është një ditë e trishte. Një tjetër i ri, profesionist, intelektual, nje qytetar aktiv për të drejtat e njeriut, mbështetës i të rinjve, ka humbur jetën në një aksident tragjik.

Për më shumë bëhu pjesë e grupit më viral në Facebook, Dosja.al

Fitor Ollomani me ikjen e tij do e varfërojë jetën publike në Kukës. Një qytetar i mirë, një intelektual më pak për Kukësin tone. Ngushëllime familjes,‘ shkruan dhe dikush tjetër.

Ngjarja e rëndë ndodhi paraditen e sotme. Ollomani ishte duke udhëtuar me familjen e tij në momentin që ndodhi aksidenti që i mori jetën në vend. Bashkëshortja e 35-vjeçarit u transportua drejt Traumës në Tiranë, kurse fëmija ndodhet në gjendje të mirë shëndetësore.

(f.m/dosja.al)

Shto Koment