Politike

Myslim Murrizi shigjeton Ilir Metën: Politikanët tanë kanë edhe hale për macet!

Murrizi tha se politikanët shqiptarë kanë saraje, pasuri, madje edhe tualet për macet, duke shigjetuar kështu presidentin Ilir Meta, i cili politikani i cili flitet se ka një tualet vetëm për macen.

TIRANE- Deputeti i përjashtuar nga Partia Demokratike në Kuvend, Myslim Murrizi tha sot në fjalën e tij se puna që ka bërë inspektoriati i Lartë i Kontrollit të Pasurisë lë për të dëshiruar. Murrizi tha se politikanët shqiptarë kanë saraje, pasuri, madje edhe tualet për macet, duke shigjetuar kështu presidentin Ilir Meta, i cili politikani i cili flitet se ka një tualet vetëm për macen.

Pjesë nga fjala e Myslim Murrizit:

10 faqe të këtij raporti ia kushtoni sinjalizuesve, ose në një farë mënyre spiunëve. Shqiptarët janë tejngopur me spiunë dhe nuk besoj se i intereson të merren më me këtë gjë. Këtu vini për të raportuar për 2018, ndërsa vendosni shifra edhe për vitet 2013 dhe 2015.

Do doja që nëse ka ardh koha për të përgatitur një ligj për të përcaktuar punën e këtij institucioni. Nëse kthehesh thjeshtë në një magazinë në të cilën dorëzohen thjesht disa formulare, atëherë kot që punohet. Unë e shikoj institucionin tuaj si një paradhomë e SPAK-ut, organi pararojë i Prokurorisë.

Janë vjedhur 500 milionë leke në Rivierën e jugut, ju jeni për të parë se kush i ka marrë. Politikanët dhe këtra që janë këtu kanë pasuri marramendëse, disa kanë edhe hale dhe për mace, ndaj ky Inspektoriat duhet të merret edhe me këto verifikime. Shikoni se kush i ka ato sarajet, deputete, ministra, drejtore drejtorish, këta që kanë qenë dhe janë këtu, janë strehuar atje. Me 70 punonjës ti ke mundësi të bësh një farë investigimi. Shqiptarët shikojnë si u vidhen para nga taksat e tyre dhe ku ishim hiç gjëkundi. Ndoshta ka ardhur koha të bëni një ligj të thjesht konkret.

(F.g/dosja.al)

Shto Koment