Bota

Mutacioni i koronavirusit, regjistrohet i prekuri i parë në SHBA/ Vetëm 20 vjeç, mister si u infektua

I prekuri është një djalë 20-vjeçar, i cili tashmë është vetëizoluar për të mos e përhapur mutacionin që ka pësuar pandemia. Megjithatë ajo që është e çuditshme është fakti që i riu nuk ka udhëtuar së fundmi, çka do të thotë se nuk është i vetmi i infektuar.  
Featured image of article: Mutacioni i koronavirusit, regjistrohet i prekuri i parë në SHBA/ Vetëm 20 vjeç, mister si u infektua Foto ilustruese

SHBA– Varianti i ri i koronavirusit ka mbërritur edhe në Amerikë. Në Kolorado është regjistruar i infektuari i parë. I prekuri është një djalë 20-vjeçar, i cili tashmë është vetëizoluar për të mos e përhapur mutacionin që ka pësuar pandemia.

Megjithatë ajo që është e çuditshme është fakti që i riu nuk ka udhëtuar së fundmi, çka do të thotë se nuk është i vetmi i infektuar.  

Lajmin e dha vetë guvernatori Jared Polis, i cili u shpreh se tanimë shëndeti i qytetarëve është përparësia kryesore. 

Për më shumë bëhu pjesë e grupit më viral në Facebook, Dosja.al

Ka shumë gjëra që nuk i dimë për këtë variant të ri të COVID-19, por shkencëtarët në Britani po paralajmërojnë botën se ai është shumë më ngjitës se llojet e tjera. Shëndeti dhe siguria e banorëve të Kolorados është përparësia jonë kryesore, dhe ne do të monitorojmë nga afër këtë rast, si dhe të gjitha të dhënat e tjera rreth COVID-19,”-u shpreh ai. 

Sipas mediave të huaja shkencëtarët në Britani besojnë se varianti i ri i virusit është më ngjitës sesa llojet e identifikuara më parë të SARS-CoV-2. Por nuk besohet se B.1.1.7 çon në raste më të rënda pasi nuk janë raportuar nivele më të larta të vdekshmërisë.

(k.m/dosja.al)

Shto Koment