Rajoni

Mustafa: Çështjen e Asociacionit do ta dërgojmë në Gjykatën Kushtetuese

Mustafa ka shpjeguar se në Bruksel ka nënshkruar dy marrëveshje, marrëveshja e parë për Asociacionin e vitit 2013 dhe marrëveshja e dytë për parimet themelore e vitit 2015.
Featured image of article: Mustafa: Çështjen e Asociacionit do ta dërgojmë në Gjykatën Kushtetuese Kreu i LDK-së, Isa Mustafa.

KOSOVË- Kreu i Lidhjes Demokratike të Kosovës, Isa Mustafa, i pyetur se a do të formohet Asociacioni i Komunave me shumicë serbe në Kosovë, ka thënë që ky është obligim ligjor, por se pas marrëveshjes edhe statuti do të shkojë prapë në Gjykatën Kushtetuese për vlerësim. Mustafa ka shpjeguar se në Bruksel ka nënshkruar dy marrëveshje, marrëveshja e parë për Asociacionin e vitit 2013 dhe marrëveshja e dytë për parimet themelore e vitit 2015.

Por, ka thënë që veç se do të respektohet aktvendimi i Gjykatës Kushtetuese në Kosovë, i cili thotë se janë 23 pika jo në harmoni me Kushtetutën, pas themelimit të tij, statutin e AKSHS-së vet Qeveria do ta dërgojë për interpretim në Kushtetuese.

“Vendimi i Qeverisë për themelimin e Asociacionit do t’i dërgohet Gjykatës Kushtetuese”, ka thënë Mustafa për Euronews, duke shtuar se kjo marrëveshje është e para ku presidenti serb, Aleksandar Vuçiç, nënshkruan për herë të parë dokument ku përmendet Kushtetuta e Kosovës.

“Statuti i Asociacionit të Komunave me Shumicë Serbe nuk do të konsiderohet i aprovuar përderisa GJK thotë është në harmoni me Kushtetutën”, tha kreu i LDK-së.

Për më shumë bëhu pjesë e grupit më viral në Facebook, Dosja.al

Në pyetjen e Ilva Tares se për çfarë po diskutohet për këtë temë prapë në Bruksel, Mustafa ka thënë se atje do të mund të diskutohet për statutin e marrëveshjes, ngase marrëveshja bazë është e kryer.

Marrë nga: GazetaEkspress

(A.K.dosja.al)

Etiketa:

Shto Koment