Politike

“Mund të qëndrojnë vetëm 6 muaj në detyrë”, Boçi denoncon emërimet në Zyrat Vendore Arsimore: Drejtorët u komanduan nga PS, kanë marrë zvarrë mësues për mitingje

Ish-deputeti demokrat ka denoncuar emërimet e drejtorëve në Zyrat Vendore Arsimore. Sipas tij, ata u komanduan nga PS pas zgjedhjeve dhe nuk mund të qëndronin në detyrë më shumë se 6 muaj.
Featured image of article: “Mund të qëndrojnë vetëm 6 muaj në detyrë”, Boçi denoncon emërimet në Zyrat Vendore Arsimore: Drejtorët u komanduan nga PS, kanë marrë zvarrë mësues për mitingje Luçiano Boçi

TIRANW-Ish-deputeti demokrat, Luçiano Boçi, ka denoncuar emërimet në Zyrat Vendore Arsimore në të gjithë Shqipërinë. Në një postim në Facebook, ai shkruan se në krye të drejtorive vendore qëndrojnë persona të komanduar.

Boçi ka publikuar një shkresë të Ministrisë së Arsimit, për shpalljen e garës për drejtuesit vendorë, ku shihet, se në krye të zyrave arsimore kanë qenë persona të komanduar. Duke iu referuar ligjit, Boçi sqaron, se drejtuesit e komanduar, nuk mund të qëndrojnë më shumë sesa 6 muaj në detyrë.

Sipas tij, për këtë shkelje, duhet të mbajnë përgjegjësi, ish-ministrja e Arsimit, Lindita Nikolla, ministra aktuale Besa Shahini dhe kryeministri Edi Rama.

Për më shumë bëhu pjesë e grupit më viral në Facebook, Dosja.al

Postimi i plotë

FAKTI QË TRONDITI ARSIMIN
Me një urdhër Ministria a Arsimit ka hapur procedurat e konkurrimit për drejtues të institucioneve arsimore parauniversitare në disa ZAV.
Ajo që bie në sy, në vetë tabelën bashkangjitur këtij urdhëri, është fakti skandaloz që këto shkolla nga viti 2013 deri më tani, kanë pasur drejtues të komanduar.
E tmerrshme dhe një papërgjegjshmëri absolute!
Kur janë kaq shumë në këto zyra arsimore relativisht të vogla, po gjithsej sa janë të komanduar në gjithë Shqipërinë?!
Krim i pastër arsimor!
Denoncimet tona kanë qenë të vazhdueshme, por u desh kjo shkresë që Ministria “të çjerrë maskën” e vetë Ministrisë!
Ligji e përcakton qartë që një drejtues i komanduar mund të qëndrojë në detyrë vetëm gjashtë muaj.
Këta kanë plot shtatë vite.
U komanduan me përcaktim politik aty, pas reprezaljeve politike të 2013.
Kanë bërë çfarë i ka thënë partia e çfarë u ka dashur qejfi me shkarkime, largime mësuesish e emërime militantësh.
I kanë marrë zvarrë e me dhunë mësuesit me kërcënime në mitingje, takime elektorale e votime.
Krejtësisht jashtë ligjit.
Pyetja është e thjeshtë:
Kush mban përgjegjësi për shkeljen flagrante të ligjit dhe pasojat negative në sistemin arsimor?!
Më tej:
Cili është dëmi katastrofik në arsim për shkak të kësaj papërgjegjshmërie?
Po dëmi ekonomik?
Pse Rama, Nikolla dhe Shahini nuk vendosen para përgjegjësisë ligjore e penale për këtë shkelje flagrante me pasoja të pallogaritshme për arsimin?
Dhe tani përsëri pas shtatë vitesh gjoja u bindën të bëjnë konkurs!!!?
Po ç’konkurs?!
Edhe ky është i paracaktuar. Jo me komandim tani, por me komandë politike!
Formalitet!
Sepse kanë vendosur si kriter mbarimin e shkollës së drejtorëve, alias shkollën e partisë, të cilën kanë pasur privilegjin ta ndjekin vetëm militantët e devotshëm.
Turp tjetër përmbi turpin aktual!
Katastrofë mbi katastrofë!
Degradim mbi degradim!
Ky shkatërrim duhet ndalur.
Përgjegjësi penale pë autorët!
Dënim me votë politike për përgjegjësit!

(g.sh./dosja.al)

Shto Koment