Politike

Monika Kryemadhi shkon në Malësi, merr lahutën në dorë dhe…S’harron akuzat ndaj qeverisë: Na shkatërruan kulturën!

Kryetarja e Lëvizjes Socialiste për Integrim, Monika Kryemadhi ka kujtuar se Shqipëria ka hyrë në përjetorin e shtatë që instrumenti muzikor iu njoh Serbisë nga ana e UNESCO-s dhe qeveria ende nuk ka ndërmarrë asnjë veprim.
Featured image of article: Monika Kryemadhi shkon në Malësi, merr lahutën në dorë dhe…S’harron akuzat ndaj qeverisë: Na shkatërruan kulturën! Monika Kryemadhi

MALËSI E MADHE- Kryetarja e Lëvizjes Socialiste për Integrim, Monika Kryemadhi ka shkuar në Malësinë e Madhe, ku edhe ka takuar lahutistin virtuoz Jonuz Delajku. Me lahutë në dorë, Kryemadhi ka kujtuar se Shqipëria ka hyrë në përjetorin e shtatë që instrumenti muzikor iu njoh Serbisë nga ana e UNESCO-s dhe qeveria ende nuk ka ndërmarrë asnjë veprim.

Më tej, ajo shkruan se qeveria do të mbahet mend për shkatërrimin e blerave ndërsa opozita e re do të mundohet që të rikuperojë sa më shumë të jetë e mundur.

Gjatë takimeve të zhvilluara me strukturat e LSI si kryetare partie, në Malësinë e Madhe, pata kënaqësinë që të takoj si qytetare, rapsodin e jashtëzakonshëm të Malësisë, lahutistin virtuoz Jonuz Delaj. Janë mijëra vargje të Eposit shqiptar që janë kënduar me këtë instrument të pakrahasueshëm dhe përcjellë brez pas brezi si një trashëgimi e rrallë dhe nga më të çmuarat për çdo brez shqiptarësh,”-shkruan Kryemadhi. 

MESAZHI I PLOTË I KRYEMADHIT:

Për më shumë bëhu pjesë e grupit më viral në Facebook, Dosja.al

Gjatë takimeve të zhvilluara me strukturat e LSI si kryetare partie, në Malësinë e Madhe, pata kënaqësinë që të takoj si qytetare, rapsodin e jashtëzakonshëm të Malësisë, lahutistin virtuoz Jonuz Delaj. Janë mijëra vargje të Eposit shqiptar që janë kënduar me këtë instrument të pakrahasueshëm dhe përcjellë brez pas brezi si një trashëgimi e rrallë dhe nga më të çmuarat për çdo brez shqiptarësh. Gjatë bisedës me Jonuzin më erdhën ndërmend disa vargje të poetit tonë kombëtar At Gjergj Fishta, tek “Lahuta e Malcis”:

Përsè flamuri kuq e zí,
Sod mâ s’ pari, bukurí
Porsì fleta e Engllit t’ Zotit,
Po valvitë mbí tokë t’ Kastrjotit,
Si valviti dikúr motit;
E dér m’qiellë ushto brohrija,
Kah gërthet fusha e malcija:
Për jetë t’ jetës rroftë Shqypníja!

Një vepër e rrallë dhe monumentale, ku ndërthuret letërsia, tradita dhe historia jonë.
Ndërsa në anën tjetër mu përvijua dështimi i Ministrisë së Kulturës dhe Ministrisë së Jashtme për çështjen e trashëgimisë jo materiale të lahutës në UNESCO. Megjithëse ka kaluar mbi një vit e gjysmë ende asnjë veprim, vetëm fjalë dhe propagandë. Ka shtatë vite në qeverisje dhe nuk ka bërë asnjë veprim për regjistrimin e Eposit të Kreshnikëve në trashëgiminë jo materiale në UNESCO, megjithëse studimi është i plotë dhe ka fituar dhe çmim nga Europa Nostra. Ministria e Kulturës dhe qeveria e Rilindjes do të kujtohen si shkatërruesit dhe rrënuesit e Kulturës dhe vlerave materiale e historike të saj. Do të kujtohen për shkatërrimin e Teatrit Kombëtar si dhe dhjetëra ndërtesave të trashëgimisë kulturore të kategorisë së parë dhe të dytë në Tiranë. Do të mbahen mend si rrënuesit e vlerave për t’i hapur rrugë betonizimit dhe pastrimit të parave nëpërmjet ndërtimit. Ndaj LSI dhe Opozita e Bashkuar duhet të investojë seriozisht në ruajtjen e vlerave historike dhe kulturore të shqiptarëve. Duhet të rikuperojmë sa më shumë nga ky shkatërrim talebanesk i Rilindjes. Opozita e Bashkuar nuk është thjesht vetëm një emërtim politik, por është edhe një koalicion shumë më i gjerë. Ai është një bashkim me qytetarët si Jonuzi dhe me të gjithë përfaqësuesit dhe përçuesit e vlerave kombëtare dhe ruajtësit e tyre.

(k.m/dosja.al)

Shto Koment