Bota

Moment prekës, Joe Biden kujton kohën kur djali i tij ishte me kancer teksa një infermiere i thoshte se në spitale nuk ka kushte të mjaftueshme për të përballuar Covid-19

Joe Biden ka fshirë lotët kur infermierja, Mary Turner i ka treguar atij periudhën e keqe që ka kaluar këto 9 muaj që është marrë me pacientët që kanë Covid.
Featured image of article: Moment prekës, Joe Biden kujton kohën kur djali i tij ishte me kancer teksa një infermiere i thoshte se në spitale nuk ka kushte të mjaftueshme për të përballuar Covid-19 Joe Biden

SHBA- Presidenti i zgjedhur i SHBA-së, Joe Biden gjatë një bisede që ka bërë me një infermiere të spitalit të Minesotës, është prekur pasi ka kujtuar kohën kur djali i tij, Beau vuante nga kanceri. Joe Biden ka fshirë lotët kur infermierja, Mary Turner i ka treguar atij periudhën e keqe që ka kaluar këto 9 muaj që është marrë me pacientët që kanë Covid. Turner i tha presidentit të zgjedhur se në spital nuk i kanë kushtet e duhura dhe kanë munges tamponi. Më tej, ajo tha se nuk ka qenë asnjëherë në gjendje të bente testin për Covid-19, dhe se në shtëpi rrinte e distancuar nga frika se mos ishte infektuar.

“Tani për tani, infeksionet me COVID-19 po rriten në të gjithë Minesotën dhe vendin. Unë ju them se spitalet tona janë të tejmbushura me pacientë me COVID dhe ne nuk jemi të përgatitur. Ne nuk kemi burimet e nevojshme për të mbajtur të sigurt pacientët dhe punëtorët tanë. Infermierët po ndihen jashtëzakonisht të shqetësuar tani,” tha ajo.

Ndërsa Biden pas kësaj ka thënë së është i emocionuar dhe pasi ka kaluar shumë kohë në pavionet e spitaleve duke u marrë me sëmundjen e djalit të tij, Beau. Biden më tej, e hodhi fajin për këtë gjendje të spitaleve të SHBA-së, paraardhësit të tij Trump duke e akuzuar se ka qenë i papërgjegjshëm dhe nuk e ka menaxhuar situatën e Covid-19.

‘Ju më keni emocionuar,” tha ai.

Për më shumë bëhu pjesë e grupit më viral në Facebook, Dosja.al

SHBA-ja është vendi më i prekur në botë nga Covid-19. Që nga fillimi i pandemisë atje janë regjistruar 12,277,024 persona me Covid-19 ndërsa 260,312 të tjerë kanë humbur botës.

(I.A/dosja.al)

Shto Koment