Sport

Moldavia e kënaqur me barazim ndaj Shqipërisë, trajneri Spiridon: Kundërshtar jo i lehtë

Mbrojtësi moldav, Ian Jardan, në konferencë për shtyp para sfidës me Shqipërinë u shpreh se skuadra e tij gëzon një atmosferë te mirë pas fitores me Andorrën dhe shpreson të bëjnë një ndeshje të mirë me Shqipërinë, ndonëse ka lojtarë me kualitet.

“Atmosfera në skuadër është pozitive pas tri pikëve që morëm me Andorën. Sa i përket kundërshtarit e kemi analizuar atë. Ekipi i Shqipërisë ka lojtarë profesionistë, të cilët kane  luajtur edhe jashtë. Ata njihen për një lojë agresive dhe janë një ekip i mire kemi edhe pak kohë për ta analizuar akoma më tej kundërshtarin tonë. Jo  kot ne te kaluarën ishin edhe pjesë e kampionatit Europian, kjo tregon se janë një ekip për t’u vlerësuar”, shprehet ai.

Nga ana tjetër trajneri i Moldavisë, Aleksandru Spiridon, pohon se do të ishte i kënaqur edhe me një barazim ndaj Shqipërisë, ndonëse në fushë do hyjnë të japin maksimumin. Sipas tij, e kanë analizuar kundërshtarin dhe e njeh mirë lojën e teknikut Reja.

“Sigurisht që do na kënaqte një barazim në ndeshjen me Shqipërinë, pasi bëhet fjalë për një kundërshtar jo të lehtë dhe është një ndeshje në transfertë. Por, pavarësisht kësaj ne do të luftojmë për një fitore në këtë përballje, duke dhënë maksimumin tonë.

Kemi patur lojtarë të dëmtuar, por gjithesesi jemi gati për t’u përballur. E njoh trajnerin Reja, e njoh formulen 3-5-2 që përdor ai. Por, të shpresojmë që ta kemi analizuar mirë ekipin dhe të bëjmë një lojë të mirë nesër”, deklaroi Spiridon.

(Dosja.al)

Shto Koment