Aktualitet

Mjeku Simaku: Pritet shtim infektimesh në vjeshtë, hapja e shkollave mund të sjellë rritje të lehtë rastesh

Simaku tha se rritje e infektimeve ka ardhur si pasojë e mos respektimit të masave nga qytetarët dhe bizneset.
Featured image of article: Mjeku Simaku: Pritet shtim infektimesh në vjeshtë, hapja e shkollave mund të sjellë rritje të lehtë rastesh Artan Simaku, epidemiolog

TIRANË- Në një intervistë për Ora News, doktor Artan Simaku u shpreh se trendi i dy javëve të fundit ka pasur një tren të lartë të qëndrueshëm të infektimeve nga covid-19. Simaku tha se rritje e infektimeve ka ardhur si pasojë e mos respektimit të masave nga qytetarët dhe bizneset. Për Simakun, me ardhjen e stinës së vjeshtës, do të ketë një rritje të rasteve të infektimeve, por ai shtoi se fatmirësisht për gripin sezonal ka një vaksinë tashmë.

Simaku: Në dy javët e fundit ka pasur një trend të qëndrueshëm me shifra të larta dhe kjo ka ardhur si pasojë e mos respektimit të masave nga qytetarët. Nëse respektohen masat do të vëmë një rënie të numrit të të infektuarve. Masat nuk respektohen as një njerëzit dhe as një qytetarët. Duhet mbajtur maskat në ambientet e mbyllura, por fatkeqësisht në një masë të gjerë nuk është respektuar. Me ardhjen e stinës së vjeshtës do të ketë një rëndim edhe me situatën e gripit. Nga shenjat klinike është pothuajse e pamundur që të të zbulohet nëse dikush ka grip apo covid.

Fatmirësisht kundra gripit sezonal ekziston vaksina dhe vaksinimi i grupeve më të rrezikuara është një masë që duhet të bëhet detyrimisht dhe falas. Të gjithë këto grupe me risk e kanë vaksinën falas nga ministria e Shëndetësisë. Ndër për vaksinimin e gjithë popullatës, varet nga grupi i ekspertëve.

Referuar testimeve, Simaku tha se numri i tyre është i mjaftueshëm, pasi bëhen me strategji dhe kritere te të gjitha kontaktet dhe rastet e dyshuara.  

Për më shumë bëhu pjesë e grupit më viral në Facebook, Dosja.al

Simaku: Çështja e testimit është shumë e diskutueshme. Testimi ka strategji dhe kritere. Testohen kontaktet dhe ata që janë raste të dyshuara me covid. Testimi është kryer në mënyrë të mjaftueshme. Nuk mbetet në shqetësim. Momentalisht kemi covid-19 në qarkullim dhe virozat e tjera janë në nivel shumë të ulët.

Simaku u shpreh se fillimi i procesit mësimor mund të sjellë një rritje të lehtë të rasteve të reja, por nëse respektohen protokollet, situata do të kalojë si normale.

Simaku: Shkollat do të hapen në të gjithë vendet Evropiane dhe do të respektohen të gjithë protokollet e parashikuara. Protokollet janë hartuar për të gjitha grupmoshat, por nuk përjashtohet një rritje e lehtë e rasteve me fillimin e shkollës. Nëse zbatohen protokollet nga stafi mësimit, fëmijët dhe vetë prindërit, atëherë situata do të kalojë në si normale. Edhe OBSH e ka vlerësuar që është më mirë që të fillojë procesi mësimor, se sa të rrinë fëmijët të mbyllur ose të bëhet mësim online.

(Marrë nga Ora News)

Shto Koment