Politike

Mjekja tregon rekordin negativ të Shqipërisë gjatë pandemisë: Jemi vendi i fundit për testime

Mjekja Liljana Shqyqyriu ka denoncuar strategjinë e ndjekur nga qeveria për përballimin e COVID-19, duke zbuluar se jemi vendi i fundit në Europë për testime për 1 milion banorë.
Featured image of article: Mjekja tregon rekordin negativ të Shqipërisë gjatë pandemisë: Jemi vendi i fundit për testime Liljana Shqyqyriu dhe testi për COVID-19

TIRANË -Anëtarja e Task-Forcës anti-covid të ngritur nga opozita, Liljana Shyqyriu ka denoncuar numrin e ulët të tamponëve të kryer nga autoritetet shëndetësore. Sipas saj, gjatë gjithë periudhës së pandemisë, Shqipëria ka qenë vendi me numrin më të ulët të testimeve në Europë, për 1 milion banorë.

Ajo ka kritikuar autoritetet edhe për mungesën e një strategjie për parandalimin e përhapjes së COVID-19 tek grupet vulnerabël të popullatës. Më tej Shyqyriu shton, se që prej muajit korrik, Shqipëria është në 10 vendet e para në Europë për numër vdekjesh dhe të infektuarish nga COVID-19.

Postimi i plotë

Rekordet e pathyeshme te Epidemisë

Për më shumë bëhu pjesë e grupit më viral në Facebook, Dosja.al

Që me fillimin e epidemisë së Covid-19 në vendin tonë ka pasur një rekord në nivel Europian i cili është mbajtur nga Shqipëria dhe ka qëndruar i pathyer për të gjithë periudhën. Ky është ai i testimeve për 1 Milion banorë ku ne klasifikohemi gjatë gjithë kohës në vendin e fundit dhe vendi i parafundit ka më shumë se dyfishin e testeve tona.
Këtij rekordi fatkeqësisht ju shtua me vonë rekordi i mungesës së një strategjie të qartë sidomos objektivi i cili do parandalonte parandalimin e përhapjes së Covid në grupet vulnerabël të popullatës : personat me moshë mbi 65 vjec, personat e prekur nga sëmundjet kronike dhe personeli shëndetësor , grupe të cilat gjate gjithe kohes u goditen vrullshëm nga epidemia. Gjatë muajit korrik dhe në vazhdim këtyre dy rekordeve ju shtuan dhe dy rekorde të tjera të cilat penalizojnë direkt shëndetin dhe jetën e qytetarëve shqipëtarë. Që prej fillimit të muajit korrik ne kemi qënë nje nga 10 vendet e para ne Europë përsa i takon numrit të rasteve të reja dhe numrit të vdekjeve për 1 milion banorë. Këto janë dhe rekordet më fatkeqe te gjithë periudhës së epidemisë. Përfundimisht Institucionet Shëndetësore janë treguar të paafta në vënien në eficiencë të një strategjie por kanë arritur të mbajnë me fanatizëm rekordet negative . Shpresojmë që kritikat dhe sugjerimet e shumta që janë bërë ndaj tyre në funksion të shëndetit të qytetarëve të mos vazhdojnë të bien në vesh te shurdhër dhe te shërbejnë për të rikthyer sigurinë, qetësine dhe garancinë qytetareve.

Grafiku i publikuar nga mjekja

Strategjia e ndjkeur nga qeveria shqiptare është denoncuar edhe nga opozita më herët. Kreu i PD, Lulzim Basha, ka kërkuar bërjen e testeve masive dhe heqjen dorë nga gjurmimi epidemiologjik.

(g.sh./dosja.al)

Shto Koment