Bota

Mishi i pulës në Kinë rezulton me Covid-19/ OBSH: Nuk ka prova që koronavirusi transmetohet përmes ushqimit

Zyrtarët e OBSH-së u shprehën se autoritetet shëndetësore kineze kanë testuar disa mijëra mostra të ushqimit të ngrirë dhe shumë pak teste kanë dalë pozitive. Edhe nëse virusi transmetohet përmes ushqimit, që nuk ka ende prova për ta konfirmuar, ai mund të vritet para se njerëzit ta hanë atë, deklaron Organizata Botërore e Shëndetit.
Featured image of article: Mishi i pulës në Kinë rezulton me Covid-19/ OBSH: Nuk ka prova që koronavirusi transmetohet përmes ushqimit Drejtori ekzekutiv i programit të emergjencave të OBSH, Mike Ryan.

GJENEVË– Organizata Botërore e Shëndetit ka reaguar pas rastit të  konfirmuar se krahët e pulave të imoprtuara nga Brazili janë me koronavirus. Sipas OBSH thuhet se akoma nuk ka asnjë provë që koronavirusi transmetohet përmes ushqimit.

“Nuk ka prova se ushqimi ose zinxhiri ushqimor po merr pjesë në transmetimin e këtij virusi. Njerëzit nuk duhet të kenë frikë nga ushqimi, ose nga paketimi, nga përpunimi ose shpërndarja e tij. Ushqimi është shumë i rëndësishëm.”– u shpreh Dr.Mike Ryan, drejtori ekzekutiv i programit të emergjencave të OBSH.

Të paktën 3 qytete në Kinë kanë raportuar prezencën e virusit në sipërfaqen e ushqimit të ngrirë, të importuar gjatë katër ditëve të fundit, duke ngritur shqetësime se virusi mund të kalohet përmes ushqimit, që rrjedhimisht mund të shkaktojë një shpërthim të rasteve të reja me virus.

Por zyrtarët e OBSH-së u shprehën se autoritetet shëndetësore kineze kanë testuar disa mijëra mostra të ushqimit të ngrirë dhe shumë pak teste kanë dalë pozitive. Edhe nëse virusi transmetohet përmes ushqimit, që nuk ka ende prova për ta konfirmuar, ai mund të vritet para se njerëzit ta hanë atë, deklaron Organizata Botërore e Shëndetit.

Për më shumë bëhu pjesë e grupit më viral në Facebook, Dosja.al

“Nëse virusi është në të vërtetë tek ushqimi dhe ne nuk e dimë si është futur ky virus, ndërsa dikush ka konsumuar një produkt ushqimor, viruset mund të vriten kur mishi zihet, apo çdo lloj ushqimi tjetër që përgatitet. Njerëzit tashmë janë mjaft të frikësuar nga pandemia. Është e rëndësishme që ne të gjurmojmë zbulimet si këto dhe është e rëndësishme që të mos i fshehim provat kur t’i zbulojmë. Po ashtu është e rëndësishme që njerëzit ta vazhdojnë jetën pa frikë.”- u shpreh Dr.Ryan

Prej më shumë se 7 muajsh i gjithë globi po përballet me pandeminë Covid-19 që shpërtheu në Kinë prej në fund të dhjetorit të 2019. Tashmë Covid-19 vijon të jetë ende një kërcënim për botën. Deri më tani në gjithë globin janë infektuar 21,072,125 persona. Ndërkohë 757,471 të tjerë kanë humbur jetën. Lajm i mirë është se betejën me COVID-19 e kanë fituar 13,924,364 qytetarë.

Burimi: Usnews  

A.C/Dosja.al

Shto Koment