Aktualitet

Mblodhi qindra vetë duke kërcyer! Gjobitet Ermal Mamaqi, Rakacolli: Policia ka reaguar…

VIDEO
Rakacolli tha se policia ka gjobitur Mamaqin, ndërsa apeloi që mediat të japin sa më shumë informacion për mbajtjen e maskës.
Featured image of article: Mblodhi qindra vetë duke kërcyer! Gjobitet Ermal Mamaqi, Rakacolli: Policia ka reaguar… Komiteti Teknik i EKspertëve

TIRANE- Gjobitet Ermal Mamaqi! Lajmin e ka bërë të ditur zv/ministrja e Shëndetësisë, Mira Rakacolli, e cila u detyrua të përgjigjej, pasi u pyet tri herë nga gazetarët për aktivitetin e Mamaqit, ku qindra vetëm u mblodhën duke festuar, kërcyer e kënduar në një kohë kur grumbullimet janë të ndaluara për mbi 10 vetë. Rakacolli tha se policia ka gjobitur Mamaqin, ndërsa apeloi që mediat të japin sa më shumë informacion për mbajtjen e maskës.

“Strukturat përgjegjëse janë në këmbë. Por nëse nuk ka edukim dhe ndërgjegjësim nuk mund të ketë zbatim të masave vetëm me kontrolle. Fakti që njerëzit nuk i zbatojnë masat është për shkak të ndërgjegjësimit që duhet të bëhet nga ne të gjithë, nga mediat, siç tregojnë ata që nuk zbatojnë masat, duhet të propagandojnë edhe rëndësinë e mbajtjes së maskës. Kjo është ajo që duhet bërë. Në dijeninë time, policia ka vendosur gjoba.”-u shpreh Rakacolli. 

Për më shumë bëhu pjesë e grupit më viral në Facebook, Dosja.al

Dy ditë më parë, aktori Ermal Mamaqi nisi trajnimin e reklamuar prej tij, me vlerë 10 mijë euro për të gjithë ata që duan të bëhen të sukseshëm. Edhe pse në situatë pandemie, Mamaqi ka mbledhur qindra persona që kishin paguar për të dëgjuar leksionet e tij për rrugën e suksesit, në një ambient të mbyllur.

Në seancën e parë, Ermal Mamaqi u mësoi të gjithë të pranishmëve se si të bëjnë 50 mijë euro brenda një viti, ndërsa mes të pranishmëve ishte edhe Elvana Gjata, e cila xhiroi pamje nga “leksioni”, ku s’mungonin këngët dhe vallet.

(F.g./dosja.al)

Shto Koment