Dikur

Minutat e fundit të Slobodan Millosheviçit para ekstradimit në Hagë, pamjet e rralla (Video)

Në një postim në rrjetet sociale, Cvetkoviç ka publikuar videon që tregon minutat e fundit të Slobodan Milosheviç, përpara transferimit nga Tuzla (Bosnjë dhe Hercegovinë) në Hagë, në vitin 2001.
Featured image of article: Minutat e fundit të Slobodan Millosheviçit para ekstradimit në Hagë, pamjet e rralla (Video) Slobodan Milloshevic

TIRANË– Gazetari serb Stefan Cvetkoviç, ka publikuar një video ku shfaqet ish-presidenti i Republikës Federale të Jugosllavisë Slobodan Milosheviç në vitin 2001. Në një postim në rrjetet sociale, Cvetkoviç ka publikuar videon që tregon minutat e fundit të Slobodan Milosheviç, përpara transferimit nga Tuzla (Bosnjë dhe Hercegovinë) në Hagë, në vitin 2001.

Mediat serbe shkruajnë së pamjet tregojnë se Millosheviç është futur në dhomën e një baze ushtarake amerikane në kampin ‘Eagle’ në Bosnje dhe Hercegovinë. Më tej thuhet gjithashtu se Millosheviç e shoqëronte një person me uniformë ushtarake.

Ish-presidenti i Republikës Federale të Jugosllavisë, Slobodan Milosheviç u bë shkaku i shpërbërjes së Jugosllavisë si dhe luftrave të zhvilluara në Kroaci, Bosnje dhe Hercegovinë dhe Kosovë. Ai synonte krijimin e Serbisë së Madhe me mjete luftarake.

Një vit pas kryengritjes popullore në Serbi, Millosheviç u dërgua në Hagë, ku dhe vdiq nga infarkti në vitin 2006. Në momentin që ndërroi jetë nuk i ishte dhënë ende dënimi. 

(f.m/dosja.al)

Shto Koment