DiasporaRajoni

Ministri i Jashtëm kroat, Gordan Grlić Radman i bën thirrje BE-së të liberalizojë vizat më Kosovën

Gordan Grlić Radman vuri në dukje se investimi në rajonin që është “më i afërti me BE-në” është në të njëjtën kohë investim në stabilitetin dhe sigurinë e Evropës.
Featured image of article: Ministri i Jashtëm kroat, Gordan Grlić Radman i bën thirrje BE-së të liberalizojë vizat më Kosovën Gordan Grlić Radman

KROACI– Ministri i Jashtëm kroat, Gordan Grlić Radman i bëri thirrje Bashkimit Evropian që të angazhohet më shumë politikisht dhe strategjikisht në Ballkanin Perëndimor.

Sipas mediave të rajonit, para debatit të Këshillit të BE-së mbi Ballkanin Perëndimor, ai vuri në dukje se investimi në rajonin që është “më i afërti me BE-në” është në të njëjtën kohë investim në stabilitetin dhe sigurinë e Evropës.

“Partnerët tanë në rajon duhet të punojnë në transformimin demokratik, të drejtat e njeriut dhe sundimin e ligjit. Ky është çelësi për rrugën e tyre në BE”,- tha Radman.

Ai bëri thirrje për hapjen e bisedimeve të pranimit me Maqedoninë Veriore dhe Shqipërinë, si dhe liberalizimin e vizave për Kosovën.

“Mali i Zi duhet të mbetet i përkushtuar në rrugën e BE-së dhe Serbia duhet të përqendrohet në reformat dhe kapërcimin e trashëgimisë së të kaluarës”,-  tha Grlić Radman.

Për më shumë bëhu pjesë e grupit më viral në Facebook, Dosja.al

Ministrat e jashtëm të vendeve anëtare të Bashkimit Evropian (BE) do të zhvillojnë sot diskutime në Bruksel rreth një angazhimi më të fortë politik të BE-së me partnerët në Ballkanin Perëndimor.

Gjithashtu në këto mbledhje e takime pritet që të merret një vendim për ndarjen e Shqipërisë nga Maqedonia e Veriut përsa i përket procedurave për integrimin në Bashkimin Europian. Maqedonia e Veriut vijon të ketë mosmarrëveshje me Bullgarinë për çështjet historike, dhe mund të cënojë Shqipërinë, por gjithsesi vendimi përfundimtar për negociatat i takon Këshillit Europian.

(d.a/dosja.al)


Lajmi kryesor/ Diskutime në Bruksel! Mblidhen ministrat e jashtëm të BE-së, pritet vendimi për veçimin e Shqipërisë nga Maqedonia e Veriut, Borrell: Është koha t’i ofrojmë rajonit një perspektivë të mirë

Shto Koment