Arrestohet Vangjush Dako! SPAK pret "urdhër arreste" edhe për 9 ish-zyrtarë të bashkisë së Durrësit
Pse përfundoi në SPAK Vangjush Dako? Banorët e pallatit të rrënuar nga tërmeti e denoncuan, ish-kryebashkiaku kish...
Pse përfundoi në SPAK Vangjush Dako? Banorët e pallatit të rrënuar nga tërmeti e denoncuan, ish-kryebashkiaku kish...
Raporti vjetor i Prokurorisë së Përgjithshme, Çela: Berati, qarku më i qetë, Gjirokastra mban “trofeun&rdq...
Rezultati në Rrogozhinë, Ivi Kaso: Do e çojmë vendimin e KAS në Kolegjin Zgjedhor 6 Qershor, 12:32 ...
"S’ka zgjidhje pa përfshirë Berishën"/ Salianji: Basha i padëshirueshëm, duhen figura të reja në parti ...
BULQIZË- Sindikata e Minatoreve të Bashkuar në Bulqizë në një deklaratë shkruajnë se shumica e minatorëve që punojnë në galerinë e Albchrome janë futur në grevë që në 25 nëntor. Në deklaratë kjo sindikatë shkruan se arsyeja e greve është pushimi nga puna i Elton Debreshit dhe Beqir Duriçit.
Më tej ata shprehen se janë takaur me Inspektoratin e Punës dhe është premtuar një hetimet për pushimin nga puna të dy minatorëve dhe kërcënojnë me përshkallëzim të grevës së tyre. “Nëse zyrtarët e Albchrome-it do të guxojnë ta shtrijnë hakmarrjen e tyre te të tjerë minatorë, ne zotohemi se do ta përshkallëzojmë grevën në format më të rënda të mundshme për fitimet e kompanisë”, thuhet në deklaratë.
Në fund shtojnë se greva e ardhshme do të jetë e të gjithë minatorëve dhe do të paralizohet e gjithë puna në miniera.
NJOFTIMI I PLOTË
GREVA QË NGJALLI SHPRESËN E MINATORËVE DHE TË GJITHË BULQIZËS. Shumica dërrmuese e minatorëve të Bulqizës që punojnë në kompaninë Albchrome, janë hedhur në grevë që më 25 nëntor. Shtysa për grevë erdhi nga pushimi i paligjshëm nga puna i kryetarit të Sindikatës së Minatorëve të Bashkuar të Bulqizës, Elton Debreshit. Një akt i tillë u bë nga kompania vetëm 5 ditë pasi sindikata ishte shpallur në qendër të Bulqizës. Kërkesat tona përfshinë edhe plotësimin e kushteve bazike për punë të sigurt dhe të dinjitetshme.
Pavarësisht presioneve të kompanisë, paligjshmëria e të cilës solli edhe pushimin nga puna të sindikalistit Beqir Duriçi, presioneve policore, ku vetëm në harkun kohor të dy ditëve në Komisariatin e Policisë Bulqizë u shoqëruan 7 protestues, dhe nga ana tjetër heshtjes mediatike: prapëseprapë ne e kemi vazhduar grevën me vendosmëri. Sot, pas një takimi të gjatë me përfaqësuesit e Inspektoratit Shtetëror të Punës dhe zotimit të tyre se do t’i hetojnë me imtësi pushimet nga puna të shokëve tanë, vendosëm ta ndërpresim përkohësisht grevën. Ne, njëkohësisht do të nisim edhe betejën në gjykatë. Arsyet që na shtynë në grevë mbeten në fuqi. Vullneti ynë për të kthyer në punë shokët tanë dhe për të fituar të drejtat që na takojnë, gjithashtu. Nëse zyrtarët e Albchrome-it do të guxojnë ta shtrijnë hakmarrjen e tyre te të tjerë minatorë, ne zotohemi se do ta përshkallëzojmë grevën në format më të rënda të mundshme për fitimet e kompanisë.
Ne me krenari mund ta themi se për një kohë shumë të shkurtër që nga themelimi, kemi ngjallur shpresën dhe kemi fituar besimin e minatorëve të Bulqizës se jemi zëri i vetëm i përfaqësimit të tyre. Sot Sindikata e Minatorëve të Bashkuar të Bulqizës është përfaqësuesja ligjore e shumicës së minatorëve. Sipas Kodit të Punës, sindikatës tonë i takon e drejta të negociojë kontratën e ardhshme kolektive, e cila duhet të përfshijë se s’bën kthimin e shokëve në punë, siguri të plotë në punë, rritje të pagave dhe ulje të normave skllavëruese. Vendimi ynë për ndërprerjen e përkohshme të grevës është një hap i nevojshëm që do të na japë vrull më të madh javët në vazhdim, për ta detyruar kompaninë të vërë të drejtën në vend. Ne synojmë të përfshijmë në sindikatë të gjithë punëtorët e minierës, në mënyrë që greva e ardhshme të jetë paralizuese e krejt prodhimit.
Bashkë ia dolëm që në kaq pak kohë të tregojmë se solidariteti mes njëri-tjetrit sjell ndryshim. Bashkë ia dolëm që sindikata e vjetër të humbasë legjitimitetin për të përfaqësuar ligjërisht dhe moralisht minatorët e Bulqizës. Bashkë ia dolëm që kompania Albchrome të kuptojë që dinjiteti i minatorit nuk mund të përdhoset më. Bashkë ia dolëm që të mundim frikën, terrorin dhe të ngjallim shpresën te minatorët dhe tek i gjithë qyteti. Bashkë ia dolëm të tregojmë se fuqia e njerëzve të thjeshtë të Bulqizës, larg partive politike, është shumë e madhe. Minatorët e bashkuar kanë për të fituar! Deklaratë unanime e Këshillit Sindikal.
Prej disa ditësh, punonjësit e kësaj miniere, kanë bojkotuar punën duke hyrë në grevë, teksa kërkojnë kushte më të mira pune, rritje page, rishikim norme, bojkot të paguar, dhe rikthimin në punë të Elton Debreshit, kryetarit të Sindikatës së Minatorëve të Bashkuar të Bulqizës.
Gati dy javë më parë, kompania Albchrome pushoi nga puna pa asnjë paralajmërim Elton Debreshin, punonjës prej 6 vitesh në AlbChrome, vetëm 5 ditë pasi ky i fundit u zgjodh si kryetar i Sindikatës së Minatorëve të Bashkuar të Bulqizës. Në një shpjegim për Dosja.al, Debreshi sqaroi situatën e krijuar mes minatorëve dhe Albchrome, ku denoncoi edhe kushtet e punës për mbi 600 punonjës. Nga ana tjetër, ende asnjë reagim nga Inspektoriati i Punës, dhe institucionet shtetërore për shkarkimin e Debreshit dhe grevën e minatorëve.
(A.B. Dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË- Ja dhe lajmi i papritur, i çuditshëm, por edhe shqetësues. Zëri i Amerikës në gjuhën shqipe njoftoi se Agron Tufa, tani ish-Drejtori i Insti...
TIRANË– Në Tiranë, profesori i njohur i ekonomisë, Arben Malaj, tha se ka pritur prej 7 muajsh që të thirret sipas ligjit për t’u dëgjuar në komision...
TIRANË– Këshilli i Europës ka reaguar pas mbylljes së portalit ‘JOQ” dhe pas paralajmërimeve të kryeministrit Edi Rama ndaj mediave, të cilat i ka kërcënua...
TIRANË– Avokati Spartak Ngjela është përplasur me inxhinierin Arben Meçe. Mbrëmjen e sotme ishin të dy të ftuar në emisionin ‘360 gradë” të Artur Zh...
TIRANË– Këshilli Bashkiak i Tiranës miratoi mbrëmjen e sotme bonusin e qirasë për 554 familjet e para, shtëpitë e të cilave janë dëmtuar apo bërë të pabanu...
TIRANË- Analisti Neritan Sejamini i ftuar në “Open” në Top Channel u shpreh kritik ndaj qeverisë për menaxhimin e situatës pas tërmet tragjik të 26 Nëntori...
TIRANË– Dëshmitari i ndërtimit të pallatit në Thumanë, i cili u shemb nga tërmeti i 26-nëntorit ka rrëfyer se pallati është ndërtuar me mbeturina. I ftuar ...
ITALI- Policia italiane ka bllokuar 163,000 litra naftë kontrabandë në portin e Ravennas në Itali, e cila vinte nga Shqipëria.Operacioni u zhvillua sot nga Guar...
TIRANË– Në Shqipëri parlamenti zgjodhi sot prokurorin e ri të përgjithshëm, duke votuar në mbështetje të kandidatit Olsian ÇelaMenjëherë pas v...
