Aktualitet

“Mihali e mori gjykimin publik”, Auron Tare kërkon debat për turizmin: Të gjejmë fajtorët e tjerë

Në një reagim në Facebook, Tare shkruan se tashmë duhet të tregohet profesionalizëm dhe nëpërmjet debatit të gjenden problemaikat që ka turizmi në Shqipëri.
Featured image of article: “Mihali e mori gjykimin publik”, Auron Tare kërkon debat për turizmin: Të gjejmë fajtorët e tjerë Auron Tare dhe Mihal Kokëdhima

TIRANË- Ish-drejtori i Agjencisë Kombëtare të Bregdetit, Auron Tare, kërkon që çështja e sherrit të Mihal Kokëdhimës në Qeparo, të bëhet një debat kombëtar për të nxjerr gjenezën e problemit. Në një reagim në Facebook, Tare shkruan se tashmë duhet të tregohet profesionalizëm dhe nëpërmjet debatit të gjenden problemaikat që ka turizmi në Shqipëri.

Ish-drejtori i Agjencisë Kombëtare të Bregdetit shkruan se Mihali e ka marrë gjykimin publik, por tashmë duhen gjendur përgjegjësit e tjerë. “Ne Sarande me thane qe kjo kompani e perdorte gjithmone restorantin Pa Norma si pjese e ndaleses turistike. Pra a kane qene guidat dhe shoferi te pregatitur per nje sherbim turistik profesional apo ashtu alla shqiptarce kane filluar nje sherr qe perfundoi si nje film aksionesh?”, shkruan Tare.

REAGIMI I PLOTË

MIhali i Qeparoit (pjesa e dyte)

Tani qe gjakrat u qetesuan pas incidentit te Porto Palermos mendoj se ja vlen nje debat profesionist larg politizimit mbi problematikat e medha qe ka turizmi shqiptar. Publiku ne fakt pa dhe u tmerrua pjesen perjashta te furgoni por nje debat i mirefillte profesional duhet te flase edhe per pjesen e brendeshme te furgonit. Pra sherbimin turistik dhe vizitoret. Ky debat mendoj une eshte edhe thelbi i problematikes se turizmit shqiptar.

Për më shumë bëhu pjesë e grupit më viral në Facebook, Dosja.al

Mihali e mori gjykimin publik por profesionistet duhet te debatojne dhe te nxjerrin pergjegjesine paksa me thelle. Mbi cilesine e guidave, licensimin e tyre profesional dhe jo fiktiv, Licensimin e shofereve qe punojne ne sektorin e turizmit, pregatitjen e tyre profesionale. Kompania qe organizonte kete grup spanjollesh,. cfare licensimi ka psh? . Ne Sarande me thane qe kjo kompani e perdorte gjithmone restorantin Pa Norma si pjese e ndaleses turistike. Pra a kane qene guidat dhe shoferi te pregatitur per nje sherbim turistik profesional apo ashtu alla shqiptarce kane filluar nje sherr qe perfundoi si nje film aksionesh? Duhet thene se ata qe punojne me turizmin sot ne sarande jane pjesa me e madhe te marre nga rruga, me paga shume te uleta te pa trajnuar dhe te pa pregatitur. Ky eshte realiteti i terrenit. Shikoni ne sarande pleq dhe plakat te ulura anes rruges me tabela ne duar ku shkruhet Rooms for rent. Imagjinoni se cfare sherbimi turistik mund te afroje ky kontigjent qytetaresh qe kane lene kopshtin pa ujitur dhe dalin rrugeve per te peshkuar ndonje hallexhi.

Vizitoret apo turistet. Vershimi i nje numri te madh turistesh ne Shqiperi e ka gjetur vendin te pa pregatitur si nje aspektin e infrastruktures se sherbimit si ne mentalitetin e vendit per te krijuar nje industri sherbimi. Shqiptaret tradicionalisht nuk shquhen per sherbim. Imagjinoni se cfare po ndodh ne Sarande pershembull kur dy here ne jave vjen nje anije kruaziere loë cost e cila zbret ne qytete 3 mije turiste qe bredhin rrugeve gjysem te shveshur duke sjelle nje impakt real ne kulturen e ketij qyteti te vogel. Imagjinoni fshatra te vogla ne pergjithesi tradicionale qe papritmas perballen me nje numer te larte te huajsh qe sjellin edhe ata nje kulture te ndryshme. Te gjitha keto krijojne nje impakt si ne kulturen e vendit si ne natyren e vendit. Ceshtje qe as nuk i ka menduar kush ti adresoje si nje rrezik potencial ne zhvillimin e turizmit

Mund te rendis edhe nje mori pikash te ndryshme ne kete postim por do te doja me te vertete nje bisede profesionale mbi keto ceshtje. Duke ju falenderuar per komentet e shumta per pjesen e pare.

Reagimi i Auron Tares është i dyti për çështjen e dhunimit të turistëve spanjollë. Po në Facebook, ish-drejtori në qeverinë Rama, shprehej se në Shqipëri turizmi është qesharak dhe i rrezikshëm. Reagimi i Tares vjen dy ditë pasi në Qeparo, pronari i restoranit “Panorma”,  Mihal Kokëdhima, pas një debati me klientët i ka ndjekur ata dhe më pas u është hedhur mbi makinë. Me duart me gjak e i kapur mbi kofano Mihal Kokëdhima ka qëndruar për disa kilometra mbi makinë dhe ka thyer xhamin e parë. Sot biznesmeni ka dalë para gjykatë dhe ka marrë masën e sigurisë “arrest me burg”.

(A.B. Dosja.al)

Shto Koment