Politike

Meta takim me përfaqësinë e Aleancës Kosovare të Bizneseve: Do marrim masa të menjëhershme për bashkëpunim ekonomik dhe tregtar

Meta në një postim që ka bërë në rrjetet sociale bën me dije se në takim është njohur me shqetësimet lidhur me rënien e shkëmbimeve tregtare Kosovë-Shqipëri si dhe shtimin e pengesave administrative e infrastrukturore, si pasojë e COVID-19.
Featured image of article: Meta takim me përfaqësinë e Aleancës Kosovare të Bizneseve: Do marrim masa të menjëhershme për bashkëpunim ekonomik dhe tregtar Ilir Meta dhe përfaqësina e Aleancës Kosovare të Bizneseve

TIRANË- Presidenti i Shqipërisë, Ilir Meta, ditën e sotme ka pritur në takim përfaqësinë e Aleancës Kosovare të Bizneseve. Meta në një postim që ka bërë në rrjetet sociale bën me dije se në takim është njohur me shqetësimet lidhur me rënien e shkëmbimeve tregtare Kosovë-Shqipëri si dhe shtimin e pengesave administrative e infrastrukturore, si pasojë e COVID-19. Po ashtu kreu i shtetit thotë se duke marrë parasysh situatën e Covid-19, do të merren masa të menjëhershme për rritjen e bashkëpunimit ekonomik dhe tregtar.

Postimi i Metës

Për më shumë bëhu pjesë e grupit më viral në Facebook, Dosja.al

Prita sot në Presidencë një përfaqësi të Aleancës Kosovare të Bizneseve, me të cilët ndamë ide të vyera mbi rëndësinë e thellimit të bashkëpunimit ekonomik të sipërmarrjeve në nivel kombëtar. U njoha me shqetësimet e drejta të tyre për rënien e volumit të shkëmbimeve tregtare ndërmjet dy vendeve tona, si pasojë e COVID-19, shtimit të pengesave administrative e infrastrukturore, si dhe rritjes se barrës, kryesisht jo tarifore. Në kushtet aktuale të pandemisë, theksuam domosdoshmërinë e marrjes së masave të menjëhershme, për të siguruar vijimësinë e bashkëpunimit ekonomik dhe tregëtar, si dhe rritjen e mbështetjes nga ana qeverive për bizneset e prekura në të dyja vendet, me qëllim zhvillimin e qëndrueshëm të Shqipërisë e Kosovës.

(A.k.dosja.al)

Etiketa:

Shto Koment