Politike

Meta sqaron sërish dekretin për ndryshimet në Kodin Penal: S’mund të sillem si populist apo spekulant në këtë situatë kritike

Meta tha se ka bërë gjënë e duhur pasi në Kodin Penal lishte një boshllëk për sa i përket situatave të pandemive nga sëmundjet ngjitjes.
Featured image of article: Meta sqaron sërish dekretin për ndryshimet në Kodin Penal: S’mund të sillem si populist apo spekulant në këtë situatë kritike Ilir Meta, President i Shqipërisë

TIRANË- Presidenti Ilir Meta ka komentuar sërish sot vendimin e tij për të dekretuar ndryshimet në Kodin Penal. Në një intervistë për News 24, Meta tha se ka bërë gjënë e duhur pasi në Kodin Penal lishte një boshllëk për sa i përket situatave të pandemive nga sëmundjet ngjitjes.

Më tej shtoi se mund të kishte mundësi të ishte abuzive në raport me qytetarët, si nga administrata, si nga institucionet ligjzbatuese për arsye se u desh një situatë e tillë për të kuptuar që Kodi Penal nuk e

Kishim një boshllëk në Kodin Penal, por e gjithësjellja do të kishte mundësi të ishte abuzive në raport me qytetarët, si nga administrata, si nga institucionet ligjzbatuese për arsye se u desh një situatë e tillë për të kuptuar që Kodi Penal nuk e mbulonte një aspekt të tillë. Dhe kjo ishte arsyeja që pas disa javësh e nxiti mazhorancën, Parlamentin, qeverinë për të ndërmarrë në nismë për të plotësuar këtë boshllëk, një nismë e cila krijoi mjaft reagim të fortë në opinionin publik, jo vetëm nga mediat, por edhe nga Avokati i Popullit, organizata për të drejtate njeriut, Komiteti i Helsinkit e shumë të tjera, duke ngritur me të drejtë shqetësimin e cenimit të të drejtave të njeriut, mospatjen në konsideratë të parimeve të sigurisë juridike, të parimit të proporcionalitetit, të Konventës Europiane për të Drejtat e Njeriut dhe njëkohësisht duke ngritur edhe një shqetësim tjetër të drejtë edhe nga pikëpamja procedurale, që nuk mund të bëhen në një situatë të tillë normalisht ndryshime në Kodin Penal”, u shpreh Presidenti.

Për më shumë bëhu pjesë e grupit më viral në Facebook, Dosja.al

Më tej Meta u shpreh se është sjellur në mënyrë të përgjgjeshme duke dekretuar këto ndryshime dhe nuk mund të sillej si populist në këtë situatë të vështirë.

“Presidenti mund të ishte i mirë se e ktheu, por ata do ta miratonin dhe do të hynte në fuqi dhe kjo mund të sillte pasoja në mënyrë të padrejtë dhe abuzive për shumë e shumë qytetarë të vendit tonë, për shumë e shumë sipërmarrës e kështu me radhë, por natyrisht që unë nuk mund të zgjidhja në një situatë të tillë të bëja populistin apo të provokoja një tension kur nga pala tjetër, pra parlamenti apo qeveria kërkohej një bashkëpunim për këtë çështje dhe për këtë aspekt vlerësova, e mendova më mirë të kemi një legjislacion të tillë, i cili është – e theksoj edhe një herë – i parametrave më të mirë në Europë, i parametrave danezë se sa të fitojmë disa pikë në moment, duke akuzuar qeverinë për arbitraritet, etj., por ndërkohë t’i krijojmë një fushë të gjerë abuzimi vërtetë qeverisë në rast se ka patur apo ka këtë qëllim për të frikësuar qytetarët që unë nuk mund ta dëshiroj asnjëherë”, shtoi më tej ai.

(A.B. Dosja.al)

Shto Koment