Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Politike
Meta tregon detaje për manifetimin e 2 marsit: Nëse ma kërkojnë qytetarët do ta shpërndaj Parlamentin
24 Shkurt 2020, 21:27Nga DOSJA
TIRANË- Presidenti Ilir Meta për herë të parë ka qenë më konkret për manifetimin e tij që do zhvillojë në 2 mars. Meta tha sot se nëse populli në shesh i kërkon të shpëndajë Parlamentin, do e bëjë një të tillë.
I ftuar sot në “5 pyetje” nga Ilir Babaramo, Kreu i Shtetit tha se Parlamenti sillet si i shpërndare dhe si një institucion i shpartalluar. Po ashtu ai shtoi se “të jenë të sigurt se Presidenti i Republikës do të bëjë detyrën e tij në mënyrën më shembullore për rivendosjen e rendit kushtetues dhe do t’i kërkojë të gjithëve të bëjnë detyrën e tyre, të gjithë aktorëve të tjerë”.
Do shpërndani Parlamentin?
Nuk është përgjegjësia ime nëse Parlamenti sillet vetë si i shpërndarë, si një institucion i shpartalluar që merr pjesë në veprime të tilla mafioze dhe bën akte mjaft të rënda të cilat do të vazhdojmë t’ia ekspozojmë popullit shqiptar. Ky nuk është faji im.
Megjithatë duhet një goditje mëshire. Do t’ia jepni?
Për ata të cilët kërkojnë të zhdukin demokracinë, llogaridhënien në këtë vend me qëllim që t’ia dorëzojmë sovranitetin e këtij vendi një organizate ndërkombëtare e cila ka synuar dhe synon shpopullimin e Shqipërisë përmes kësaj bande për fat të keq, nuk do të ketë asnjë tolerancë.
Si duhet ta kuptojmë këtë? Domethënë që jeni duke e menduar shpërndarjen e Parlamentit?
Kjo do të thotë që mbi Presidentin, i cili për fat të keq është i vetmi institucion legjitim dhe për arsye se nuk është zgjedhur nga ky Parlament, por nga Parlamenti i mëparshëm, qëndron vetëm Kushtetuta dhe një Gjykatë Kushtetuese me integritet, pra sipas Kushtetutës dhe mbi këtë qëndron vetëm populli dhe Zoti! Dhe unë i bindem vetëm vullnetit të tyre. Ata të tregojnë vullnetin e tyre dhe pastaj të jenë të sigurt që Ilir Meta do ta interpretojë vullnetin e tyre ashtu siç duhet për rivendosjen e plotë të rendit kushtetues dhe për të vënë çdo shqiptar përballë provës dhe çdo politikan që deri tani mund të ketë bërë lojëra të dyfishta apo të trefishta e të katërfishta. E që nuk është i lirë në vendimmarrjen e vet për t’i dalë zot fateve të popullit shqiptar.
Këtu nuk bëhet fjalë për fatet e Ilir Metës. Kjo është gjëja më e parëndësishme dhe nuk më intereson fare Ilir Meta. Ilir Meta në këtë vend i ka provuar të gjitha funksionet. I ka provuar të gjitha pushtetet: kryeministër që 30 vjeç dhe ka ikur vetë nga ajo detyrë. I luteshin që të rrinte, por nuk pranonte për arsyet e veta. Kam bërë çdo gjë, sot është President i Republikës, është ushtari i parë i Republikës. Shikoni zotëri betimin e Presidentit të SHBA-ve, tri herë për të mbrojtur vendin e vet, Kushtetutën. “To preserve, to protect and to defend!” (Për ta mirëmbajtur, për ta ruajtur si dhe për mbrojtur!) Edhe në të ardhmen duhet ta formulojmë edhe më mirë betimin e Presidentit dhe betimin e çdo njeriu që vë dorën mbi Kushtetutë.
Po nëse qytetaret më datë 2 mars qytetarët iu kërkojnë të shpërndani parlamentin, do ta bëni?
Unë jam i sigurt që do të jemi në një sintoni të plotë me qytetarët. E rëndësishme është nëse ata pranojnë apo nuk pranojnë më, që një grup puçistësh të rrëmbejnë çdo të drejtë të tyre kushtetuese dhe njerëzore, të lirisë së tyre, të llogaridhënies në këtë vend para tyre, që paguajnë taksat edhe që paguajnë borxhet që po shkon në stratosferë. Dhe absolutisht të jenë të sigurt se Presidenti i Republikës do të bëjë detyrën e tij në mënyrën më shembullore për rivendosjen e rendit kushtetues dhe do t’i kërkojë të gjithëve të bëjnë detyrën e tyre, të gjithë aktorëve të tjerë. Këtu nuk mund t’i shmangemi dot kësaj historie. Jemi në një përballje finale me puçistët, nuk ka temë tjetër më të rëndësishme në Shqipëri deri në momentin që do të zgjidhim këtë çështje.
Dhe atë akt do ta bëni në atë moment, që atë ditë?
Çdo ditë do të ketë detaje të reja, do të ketë dinamika të reja.
Presidenti Ilir Meta prej ditësh ka publikuar disa dokumente, për të cilat shprehet se janë fakte për atë që ai e quan grushti i shtetit i maxhorancës. Në disa deklarata dhe reagime për mediat, Meta ka thënë se maxhoranca ka bërë grusht shteti dhe ka rrëmbyer një mandat të Gjykatës Kushtetuese dhe për këtë do zhvillojë një tubim në mars, që e quan manifestim për të shpartaluar grushtin e shtetit. Meta për grushtin e shtetit ka akuzuar kreun e KED, Ardian Dvoranin, të cilin e ka kallëzuar në SPAK. Kreu i Shtetit njofton se në ditët në vijim do publikojë dhe prova të reja e do padisë zyrtarë të tjerë. Meta tha se në grushtin e shtetit është përfshirë dhe Etilda Gjonaj, për të cilën do bëri një padi në SPAK.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Presidenti Ilir Meta u ka bërë sërish thirrje qytetarëve që të bashkohen në tubimin e tij në 2 mars, pasi siç thotë ai qytetarët do tregojnë...
TIRANË- Presidenti Ilir Meta ka hedhur akuza të reja për atë që ai e quan ‘grushti i shtetit’ nga rilindja. I ftuar sot në emsionin “5 pyetjet” nga Ilir Ba...
TIRANË- Presidenti Ilir Meta ka folur sërish sot në lidhje me kallëzimin që ai ka bërë kundër ministres së Drejtësisë, Etilda Gjonaj. I ftuar në emisionin ...
TIRANË- Presidenti i Ilir Meta ka depozituar sot një kallëzim në SPAK për 3 zyrtarë të ministrisë së Drejtësisë. Përveç ministres së Drejtësisë, Eti...
TIRANË- Ministri në detyrë për Evropën dhe Punët e Jashtme, Gent Cakaj, është takuar sot me Ministrin e Jashtëm të Kosovës, Glauk Konjufca. Pas takimit Cak...
TIRANË- Zëdhënësi i Presidentit, Ilir Meta, Tedi Blushi, i është përgjigjur deklaratës së ministres së Drejtësisë, Etilda Gjonaj. Në një reagim të shkurtër...
TIRANË- Ministrja e Drejtësisë, Etilda Gjonaj, ka reaguar pas dorëzimit të padisë nga Presidenti Ilir Meta në SPAK. Në një reagim në mediat në Facebook, Gj...
TIRANË- Kreu i Partisë Demokratike, Lulzim Basha pasi zhvilloi një takim ditën sotme me ekspertë të shëndetësisë për koronavirusin, deklaroi për mediet se ...
LONDËR– Kryeministri Edi Rama ndodhet në Londër, në kuadër të zhvillimit të Samitit të Bankës Europiane për Rindërtim dhe Zhvillim, e njohur ndryshe si BER...
LONDËR– Kryeministri i Kosovës, Albin Kurti është ulur pranë homologes së tij serbe, Ana Brnabiç në Samitin e Bankës Evropiane për Rindërtim dhe Zhv...