Sport

Mesut Ozil: Drejtuesit e klubit morën një vendim të nxituar, unë nuk largohem nga ekipi

Mesfushori i Arsenalit, Mesut Ozil nuk ka ndërmend të largohet nga skuadra pavarësisht vendimit të drejtuesve.
Featured image of article: Mesut Ozil: Drejtuesit e klubit morën një vendim të nxituar, unë nuk largohem nga ekipi Mesut Ozil

BRITANI E MADHE- Mesfushori i Arsenalit, Mesut Ozil nuk ka ndërmend të largohet nga skuadra pavarësisht vendimit të drejtuesve. 31-vjeçari turko-gjerman ka një kontratë ekzistente me Arsenalin deri në fundin e sezonit tjetër, por nuk ka mundur të luajë në ndeshjet e fundit për shkak të një dëmtimi në këmbë. Në një intervistë për mediat ndërkombëtare ai ka shprehur dashurinë për klubin dhe vendosmërinë e tij për të qendruar te topçinjtë deri në ditën e fundit të kontratës.

 “E dua Arsenalin, edhe pse periudha e fundit ka qenë shumë e vështirë. Do të jap gjithçka nga vetja për këtë klub, nuk kam ndërmend të largohem. Nuk do lejoj që të vendosin të tjerët për të ardhmen time. E kam treguar në të kaluarën që mund të jem i dobishëm dhe i vlefshëm për skuadrën, do e demonstroj sërish diçka të tillë. Gjërat jo pozitive më bëjnë edhe më të fortë. Pas bllokimit të futbollit për shkak të pandemisë, doli vetëm emri im nga lojtarët që nuk donin të ulnin rrogat, por nuk isha i vetmi që refuzoi. Drejtuesit e klubit morën një vendim të nxituar“, përfundon Ozil.

Për më shumë bëhu pjesë e grupit më viral në Facebook, Dosja.al

Mesut Ozil nuk është më në planet e ardhshme të trajnerit të Arsenalit, Mikel Arteta dhe drejtuesit e klubit janë në gjendje të dëshpëruar të shpëtojnë nga paga e madhe që i japin 31-vjeçarin.

(I.A/dosja.al)

Shto Koment