Aktualitet

Mësuesi nga Rrësheni humbi betejën me COVID-19, Shahini: Ndaj dhimbjen me familjarët, nxënësit dhe kolegët e tij

Ministrja e Arsimit, Besa Shahini, ka shprehur dhimbjen për ndarjen nga jeta të mësuesit nga Rrësheni, Gjon Kola.
Featured image of article: Mësuesi nga Rrësheni humbi betejën me COVID-19, Shahini: Ndaj dhimbjen me familjarët, nxënësit dhe kolegët e tij Gjon Kola dhe Besa Shahini

TIRANË-Ministrja e Arsimit, Besa Shahini ka reaguar në lidhje me ndarjen nga jeta për shkak të COVID-19, të mësuesit nga Rrësheni, Gjon Kola. Në një postim në Facebook, Shahini shkruan, se e ndan dhimbjen me familjarët, nxënësit dhe kolegët e tij. Ajo ndër të tjera ka vlerësuar kontributin e tij dhjetëra vjeçar në arsim.

Gjithashtu Shahini ka thkesuar rëndësinë e respektimit të protokolleve ndaj COVID-19.

Postimi i Shahinit

Mora lajmin e hidhur që një nga mësuesit tanë të nderuar në qytetin e Rrëshenit ka humbur sot betejën me COVID-19. Shpreh dhimbjen dhe respektin për këtë mësues të vyer e me përvojë dhjetëra vjeçare, si për stafin e shkollave ku ai ka dhënë mësim, ashtu dhe për nxënësit që ai ka edukuar ndër vite. Ndaj këtë dhimbje me familjarët e mësuesit Kola, me nxënësit dhe kolegët e tij.

Për më shumë bëhu pjesë e grupit më viral në Facebook, Dosja.al

Dua të theksoj edhe një herë nevojën që gjithsecili prej nesh të zbatojë sa më me rigorozitet të gjitha masat e nevojshme për tu mbrojtur nga ky virus i pabesë dhe i padukshëm. Çdo jetë e juaja dhe e familjarëve tuaj është e shenjtë dhe duhet mbrojtur nga të gjithë ne si shoqëri, prandaj të respektojmë me rigorozitet të gjitha protokollet shëndetësore. Uroj SHËRIM TË SHPEJTË edhe për arsimtarët e tjerë që janë prekur nga ky virus.

Mësuesi Gjon Kola humbi jetën ditën e sotme nga COVID-19. Ai ndodhej prej dhjetë ditësh i shtruar në spital, por nuk mundi dot ta fitonte betejën me COVID-19.

(g.sh./dosja.al)

Shto Koment