Mesila Ddoda
TIRANË– Mesila Doda, kandidatja e 12-të në qarkun e Tiranës për deputete në listat e PD-Aleanca për Ndryshim, ishte e ftuar pasditen e sotme në emisionin Top Talk të drejtuar nga Denis Dyrnjaja. Në këtë kohë të nxehtë fushate, ajo ka kritikuar kryeministrin Edi Rama duke theksuar se ai ka mbjellë vdekje e falimentim me menaxhimin e pandemisë së COVID-19. Ajo theksoi se në periudhën e karantinës, ku shumica e bizneseve u mbyllën, kryeministri kërkoi pagimin e taksave nga pronarët.
Doda nuk la pa përmendur edhe menaxhimin e pandemisë nga ana e qeverisë Rama, duke theksuar se vaksinat i mori në periudhë fushate dhe se deri tani nuk është vaksinuar as edhe 1% e popullsisë.
“Ai është një kryeministër që nuk del me bilancin e punës së tij por del duke fyer këdo që i del përpara”, tha Doda.
Denis Dyrnjaja: Më lejo të bëj një ndërhyrje rindërtimi, vaksinimi reforma në drejtësi.
Mesila Doda: Në të tre këto fusha është një dështim i madh megjithëse shumë herë përpiqet që ta sjellë para shqiptarëve sikur është një fitore e madhe. Është një deklaratë kriminale, pa mua nuk do të ketë vaksina, po i kërcënon shqiptarët me jetë. Ose më jepni votën ose do të gjeni vdekjen, s’kam parë ndonjëherë më deklaratë skandaloze të një kryeministri. Nuk ka asnjë që mund të lëshojë një deklaratë të tillë. Në momentin që opozita shqiptare fillon qeverisjen të jeni të sigurt që do të jenë të gjitha fazat në përballimin e pandemisë, vaksinimin, investime në shëndetësi, reformë shëndetësore, spitale që funksionojnë dhe barnat që nevojiten.
Denis Dyrnjaja: Juve po thoni që do të keni këto, ndërkohë Rama thotë që kur e morëm pushtetin nuk gjetëm asgjë në spitale.
Mesila Doda: Në mesin e pandemisë jemi të gjithë dëshmitarë se si fillonin tenderat sekretë, se si u mbyllëm kur ishim me 5 raste në ditë e u hapëm me 1 mijë raste në ditë. Nëse e mbani mend u mbyllën zyrat me 2 3 persona e u mbajtën hapur fasoneritë. Ndihma që u dha ishte pothuajse 0. Gjatë fushatës jemi takuar me shumë biznesmenë. Ata më tregonin që ishin të mbyllur e tatimet u kërkonin të paguanin. Më trego njërin që nuk ka thënë që tatimet nuk u kanë për të paguar. Edhe kryeministri ka thënë që taksat do t’i paguajnë. Nuk ka nevojë që të vijë njeri tek dera se e ke detyrimin të shkruar.
Denis Dyrnjaja: Juve ia njihni këtë vlerë e kontribut kryeministrit që siguroi vaksinat?
Mesila Doda: Unë nuk i njoh asnjë kontribut kryeministrit. Shikoni Serbinë, ne nuk kemi mbërritur asnjë 1% të popullatës, shiko në çfarë kushtesh bëhen në sheshin “Skënderbej”. Ka lidhje me një mirë organizim dhe për të hequr këtë organizim të çorganizuar. Atë që vazhdoj të mendoj është që për ta futur vaksinën brenda fushatës mori vaksinat kineze si edhe ato ruse, duhej të ishin marrë më përpara, duhej të ishte bërë me kohë kjo punë. Por që kemi nevojë për vaksina, kemi një nevojë urgjente.
(f.m/dosja.al)
