Argetim

Mesazhe me dron dhe flluska gjigande, çifti i të rinjve dashurohen në karantinë! FOTOT e takimeve të pazakonta ‘çmendin’ rrjetin

Pas flirtit me fqinjën dhe mesazhet me dron, fotografi futet në një flluskë gjigande realizon takimin e karantinës.
Featured image of article: Mesazhe me dron dhe flluska gjigande, çifti i të rinjve dashurohen në karantinë! FOTOT e takimeve të pazakonta ‘çmendin’ rrjetin Çifti, Jeremy Cohen dhe Tory.

NEW YORK– Shanset për të takuar dikë gjatë një pandemie globale janë mjaft të pakta, por kjo vetëm nëse nuk jeni Jeremy Cohen. Fotografi romantik me bazë në New York nuk ka fituar vetëm dashurinë e fqinjës së tij Tori, por edhe të gjithë ndjekësi në mediat sociale që kanë klikuar mbi 8 milionë herë videon e tij.

Kjo është për shkak se 28-vjeçari filmoi veten duke realizuar një takim të pazakontë me fqinjën e tij, pasi i dërgoi me dron numrin e telefonit. Ishte kupidi i dashurisë që shigjetoi dy të rinjtë, ndërsa ndodheshin në karantinë.

Mesazhi me dron.

Rastësisht Jeremy pa fqinjën e tij me emrin Tori, të kërcente në ballkonin ngjitur, dhe menjëherë pati një shkëndijë dashurie. Ai filloi ngacmimet e tij, ndërsa Tori i dha numrin e telefonit dhe filluan bisedat e gjata me FaceTiming.

“Unë isha duke punuar në një seri fotografish nga banesa ime, në çatinë e shtëpisë time. Në këtë moment vura re Torin duke vallëzuar. Ne shkëmbyem shikimet me njëri-tjetrin dhe unë ndjeva diçka..doja të lidhesha me të. Në këtë moment shkruajta numrin tim dhe ja dërgova me dron asaj. Isha pak nervoz…Dita jonë e parë kaloi për mrekulli, ne po njihemi dhe është mjaft e lehtë të bisedosh me të.”- u shpreh Jeremy Cohen.

Dreka nga ballkoni.

Me restorantet në New York-ut të mbyllura, Cohen projektoi një darkë dixhitale. Ai hëngri një darkë nga ballkoni, ndërsa Tori në çatinë e saj. Të veshur me të bardha dhe me lule në tavolinë, secili shijoi darkën e shtruar në tryezat e tyre, ndërsa bisedonin së bashku nga distanca.

Në një seri klipesh të postuara fillimisht në TikTok, Jeremy Cohen dokumentoi  daljet e tij të me fqinjin që i kishte rrëmbyer zemrën,  të cilat i quajti “karantinë e lezetshme”.

Për më shumë bëhu pjesë e grupit më viral në Facebook, Dosja.al
Dreka nga ballkoni.

Jeremy duke qenë natyrë shumë romantike, ndërmori hapin për të realizuar një takim real me Torin. Por, ai nuk donte të rrezikonte asgjë, kështu që, natyrisht, vendosi të fryjë një flluskë dhe të futet brenda saj. Dy të rinjtë realizuan takim më të lezetshëm romantik në kohë koronavirusi, dhe Jeremy vendosi të postonte momentet e tyre në TikTok.

Jeremy kishte parë një mik të pozonte me flluskën e përmasave njerëzore në postimin në median sociale dhe vendosi ta blejë atë vetë. “E dija se do të ishte e përsosur për një takim të dytë!”,- kuptoi ai.

Duke qenë romantik ai bleu dhe lule, të cilat i mbante në duar, brenda flluskës pluskuese. Tori u impresionua nga ky gjest i veçantë. Ata qeshën aq shumë me njëri-tjetrin, dhe kuptuan se kishin gjetur shpirtrat binjakë. Historia e dashurisë në karantinë u bë virale në mediat sociale. Jeremy dëshmoi se romanca mund të bëhet e gjalle edhe në mes të pandemisë së koronavirusit.

Burimi: Metro.uk

R.L/Dosja.al

 

Shto Koment