Aktualitet

VENDIMET/ Pogradeci zeron taksën vendore për bizneset e mbyllura! Durrësi e Kukësi shtyjnë pagesat për tre muaj

Biznesi i mbyllur nuk do të paguajë asnjë tarifë vendore për prillin, por është përjashtuar edhe nga taksa e hapësirës.
Featured image of article: VENDIMET/ Pogradeci zeron taksën vendore për bizneset e mbyllura! Durrësi e Kukësi shtyjnë pagesat për tre muaj Foto ilustruse
Përditësuar:

SHQIPËRI– Pogradeci është bashkia e parë në vend, e cila i ka zeruar të gjitha tarifat për bizneset në muajin prill. Ky vendim është miratuar në mbledhjen e Këshillit Bashkiak dhe përfitojnë të gjitha bizneset të cilat janë urdhëruar të mbyllen nga udhëzimet e Ministrisë së Shëndetësisë në qytet dhe njësitë administrative, për shkak të COVID-19.

Pra biznesi i mbyllur nuk do të paguajë asnjë tarifë vendore për prillin, por është përjashtuar edhe nga taksa e hapësirës. Me vendimin e ri pagesa e tarifave për bizneset e vogla do të rinisë pas muajit qershor. Nga ky vendim i këshillit në arkën e bashkisë Pogradec do të derdhen 1.3 milionë lekë të reja më pak.

Ndërkohë Bashkia e Durrësit ka miratuar shtyrjen e afatit të pagesave të qirave për familjet që jetojnë në banesa sociale si dhe shtyrjen tarifave vendore për biznesin e vogël, gjithashtu për muajin prill dhe maj. Pagesa do të bëhet pas daljes nga gjendja e emergjencës, në mënyrë proporcionale për periudhën e mbetur të vitit 2020. Edhe në Kukës është menduar për bizneset e vogla.

Për më shumë bëhu pjesë e grupit më viral në Facebook, Dosja.al

Bashkia ka zeruar taksën vendore për 3 muaj (mars, prill dhe maj) dhe ka hequr tarifat e hapësirës publike për 5 muaj. Edhe pse këto lëshime do të sjellin më pak të ardhura për Bashkitë por do të ndihmojnë të gjithë bizneset e vogla që kanë mbyllur aktivitetin e tyre gjatë periudhës së koronavirusit.

(k.m.j.v/dosja.al)

Shto Koment