Aktualitet

Mediet britanikët: Çfarë fshihet pas ekzekutimit të avokatit Ravik Gurra në Elbasan, humbi disa çështje kriminale

Në artikull thuhet se avokati shqiptar është ekzekutuar, pasi ai ka humbur disa çështje penale të personave shumë të rrezikshëm në Shqipëri.
Featured image of article: Mediet britanikët: Çfarë fshihet pas ekzekutimit të avokatit Ravik Gurra në Elbasan, humbi disa çështje kriminale Ne foto Ravik Gurra

TIRANË- “DailyMail” ka bërë sot një artikull për avokatin Ravik Gurra, , i cili u  ekzekutua me armë zjarri në një lokal në Elbasan në mars të këtij viti.

Në artikull thuhet se avokati shqiptar është ekzekutuar, pasi ai ka humbur disa çështje penale të personave shumë të rrezikshëm në Shqipëri.

Lexoni artikulli e plotë:

Një avokat britanik që përfaqësonte gangsterët shqiptarë është qëlluar për vdekje, duke provokuar frikë. Ai u ekzekutua pasi humbi disa çështje penale të profilit të lartë. Ravik Gurra, 50 vjeç, u qëllua tre herë në kokë nga një person i armatosur me pistoletë silenciator, teksa ishte ulur në një kafene me miqtë në qytetin e Elbasanit.

Vrasja shkaktoi shok edhe në qytetin Hertfordshire, ku Gurra jetonte me gruan e tij, Nina dhe dy vajzat adoleshente.

Gurra, i cili ka punuar më parë si përkthyes i Office Home, kishte përfaqësuar disa gangsterë shqiptarë, përfshirë anëtarët e familjes Çapja, por kishte humbur një numër çështjesh.

Në nëntor ai përfaqësoi Emiljano Shullazin, i cili u shpall fajtor për zhvatje dhe drejtimin e një organizate kriminale dhe u dënua me 14 vjet burg. Nuk ka asnjë provë që ta përfshijë Shullazin në ekzekutimin e avokatit të tij, Ravik Gurra.

Një avokat shqiptar, i cili kërkoi të mos identifikohej,  Daily Mail të dielën: -“Vrasja e Ravik Gurrës ka bërë që të gjithë avokatët që mbrojnë kriminelët të kenë kujdes.  Ne nuk jemi të sigurt për t’i përfaqësuar mafiozët. Bandat kriminale veprojnë duke kaluar kufijtë. Nëse ata vrasin avokatë në Shqipëri sepse humbasin një çështje, ata mund t’i vrasin avokatët edhe në vende si Gjermania dhe Anglia”.

Për më shumë bëhu pjesë e grupit më viral në Facebook, Dosja.al

Vrasja ndodhi në mars të këtij viti dhe një automjet i  vjedhur u gjet më vonë i djegur, por që prej asaj kohe askush nuk është arrestuar.

Një burim tha se policia shqiptare ka dy pista në lidhje me vrasjen – Avokati mund të jetë vrarë ngaqë humbi çështjet ose ai u ekzekutua nga banda rivale e fisit Çapja.

“Kjo është një pistë, që e lidh vrasjen e avokatit për shkak se fisi Çapja ka humbur disa gjyqe. Një tjetër pistë është se Ravik Gurra ka qenë afër këtij fisi dhe kishte lidhje me  anëtarët e bandës së Çapajve në Britani dhe bënte lidhjet e tyre në Shqipëri.

“Çapajt janë shumë të vështirë për t’u arritur, kështu që klani rival mund të këtë ekzekutuar zotin Gurra për t’iu dërguar një mesazh. Avokati ka qenë një objekti më i lehtë për palën kundërshtare të Çapajve”.

Z., Gurra me origjinë shqiptare u transferua në Mbretërinë e Bashkuar në vitet 1990, ku u vendos me gruan e tij dhe fitoi shtetësinë britanike. Fqinjët e tij mbrëmë e përshkruanin atë si një njeri miqësor dhe familjar. Njëri tha:- ‘Ai gjithmonë vinte tek ne për biseda dhe fliste për futbollin’.

Ravik Gurra humbi jetën në një atentat mafioz mbrëmjen e  22 marsit në Elbasan. Ravik Gurra njihet edhe si avokati i Emiljano Shullazit dhe i familjes Çapja në Elbasan. Ai u ekzekutua në një lokal teksa po pinte kafe. Viktima u qëllua me disa plumba, një prej të cilëve e kapi në kokë duke i marrë jetën. Autorët ndodheshin në një makinë Benz, e cila u gjet e djegur jashtë qytetit.

(a.m/dosja.al)

Shto Koment