Politike

‘Me ty do të flas kur të mbarosh universitetin’, kush e nxehu deputeten Kejdi Mehmetaj (Video)

Kejdi Mehmetaj ka replikuar sot me ministrin e Punëve të Brendshme, Sandër Lleshaj, gjatë diskutimeve tek Komisioni i Medias.
Featured image of article: ‘Me ty do të flas kur të mbarosh universitetin’, kush e nxehu deputeten Kejdi Mehmetaj (Video) Deputetja e LSI, Kejdi Mehmetaj dhe Ministri i Punëve të Brendshme Sandër Lleshaj

TIRANE- Deputetja e Lëvizjes Socialiste për Integrim, Kejdi Mehmetaj ka replikuar sot me ministrin e Punëve të Brendshme, Sandër Lleshaj, gjatë diskutimeve tek Komisioni i Medias.

Lleshaj iu përgjigj Mehmetajt duke i thënë: Me ty do të flas kur të mbarosh universitetin.

Kjo ka sjellë irritimin e deputetes së LSI, e cila i tha Lleshajt se qytetarët do e tërheqin zvarrë njësoj siç do të heqin Ramën.

Debati tek Media:

Lleshaj: Ka pasur po thuajse zero incidente, që kanë qenë dhe të nxituara. Incidentet kanë qenë të nxitura nga persona të caktuar. Janë tentuar të bllokohen hyrjen e fakulteteve, që janë bërë nga të njëjtat persna. Fakti që Policia ka parë se këto akte janë bërë nga të njëjtat persona, vlerësuam se ishin akte të nxituara.  Policia ka ndërhyrë vetëm një herë në një fakultet, por nuk ka ushtruar dhunë. Ka ndërhyrë për të parandaluar dhunë.

Vokshi: Ja shikoje çfarë kanë bërë policët

Lleshaj: Nuk komentoj videot. Sa do të bukura apo të shëmtuar të jenë. Unë po them që kanë ndërhyrë në një fakultet, për të mbështetur policinë private për të liruar ambientet e universitetit.

Vokshi: Jo po thoni që policia nuk ka ndërhyrë brenda universiteteve. Ju po thoni që nuk ka shkelje të ligjit? Që nuk ka përgjegjës?

Për më shumë bëhu pjesë e grupit më viral në Facebook, Dosja.al

Lleshaj: Unë po them që…

Mehmetaj: Ku e keni shkresën?

Lleshaj: Me ju do flasë kur të mbaroni universiteitin

Vokshi: Kjo është e tepërt. Kjo është cinike.

Mehmetaj: Me arsimit tim ju nuk keni asnjë detyrim të merreni. Siç do tërheqin zvarrë Ramën qytetarët do u heqin zvarrë dhe ju.

Vokshi: Është shumë jo etike që ju të drejtoheni në këtë mënyrë.

Mehmetaj: Unë jam këtu se kam marrë dy mandate nga qytetarët, ndërsa ju keni marrë vetëm urdhra nga një i çmendur që është në qeveri. Prandaj kujdes kur bëni këto komente, pasi do të merrni pasojat.

Shto Koment