Aktualitet

Me tuta gri dhe pranga në duar, vëllai i Alketa Vejsiut iu hakërrehet gazetarëve gjatë lirimit, ndërhyn menjëherë Policia (VD)

Endrit Vejsiu vëllai i Alketa Vejsiut ka sulmuar sot gazetarët, teksa ka marrë edhe vendimin për t'u liruar nga burgu.
https://www.dailymotion.com/video/x7mtut5

Lezhë-  Gjykata e Lezhës, ka liruar nga burgu Endrit Vejsiun, vëllain e Alekta Vejsiut, në një vendim të datës 15 tetor. 29-vjeçari u kap me 4 mina me telekomandë, drogë dhe armë një vit më parë gjatë një aksioni policie në Lezhë.

Ditën e sotme ai është liruar nga burgu. Siç shihet edhe në pamjet e mëposhtme, 29-vjeçari i veshur sport me tuta gri, atlete dhe bluzë në ngjyrë lejla është me prangat në duar. Teksa është duke ecur për t’u futur në makinë, ai  iu hakërrehet gazetarëve. Endrit Vejsiu mban kokën mbrapa dhe reagon ashpër ndaj gazetarëve dhe operatorit.  Janë policët ata që e shtyjnë dhe nuk e lejojnë që të vazhdojë më tek komunikimin me ta.

Për më shumë bëhu pjesë e grupit më viral në Facebook, Dosja.al

29-vjeçari u arrestua më 30 shtator të 2018,  në aksin rrugor Milot-Lezhë, ku kishte fshehur në makinën e tij tip “Opel”, 4 mina me telekomandë, 3 kilogramë kanabis dhe pistoletë TT. Nga hetimet e prokurorisë, Vejsiu rezultoi se ka shërbyer si korrier i një personi tjetër, që kishte si synim të trafikonte katër mina nga porti i Shëngjinit në drejtim të Italisë. Gjykata e Lezhës për të ka dhënë dënimin me 5 vite “shërbim prove.

J.V/Dosja.al

Shto Koment