Sport

“Më thoni ju çfarë ti them Olsi Ramës”, Erion Braçe kundër vëllait të kryeministrit dhe “kunj” Tiranës: Pranon të falen borxhet e…

Braçe thekson faktin se “demat e kuq“ janë një klub korrekt në aspketin e taksave dhe tatimeve, ndërsa rivali kryesor, Tirana paguan 3 herë më pak
Featured image of article: “Më thoni ju çfarë ti them Olsi Ramës”, Erion Braçe kundër vëllait të kryeministrit dhe “kunj” Tiranës: Pranon të falen borxhet e… Erion Braçe

TIRANË-  Futbolli shqiptar është ndalur për shkak të bojkotit të klubeve. Këtë javë skuadrat vendosën që të zbrisnin në fushë për të lexuar një deklaratë në drejtim të qeverisë që të mbajë premtimet e bëra një vit më parë.

Erion Braçe ishte i ftuar në emisionin “Proçesi Sportiv”, ndër të tjera një pyetje që i shtrohej është ajo se si ndihet zëvendëskryeministri i Shqipërisë kur vetë klubi me të cilin është tifoz rreshtohet përkrahë skuadrave të tjera. Braçe thekson faktin se “demat e kuq“ janë një klub korrekt në aspketin e taksave dhe tatimeve, ndërsa rivali kryesor, Tirana paguan 3 herë më pak.

Për më shumë bëhu pjesë e grupit më viral në Facebook, Dosja.al

“Çfarë t’u them unë për bojkotin, ata janë në heshtje shtypi dhe kanë vendosur presidentët të kërkojnë këto gjëra.Është krijuar një mur heshtje nga këta persona që kërkojnë favore fiskale për veten e tyre. Më vjen keq që dëgjova një deklaratë nga kapiteni i Partizanit që kërkon gjëra që nuk janë premtuar.Unë nuk arrij ta kuptoj këtë gjë. Kam dëgjuar vazhdimisht drejtorin e Partizanit nëpër studio dhe unë nuk e di, kur Partizani është e para shoqëri në një listë me 12 skuadra ku përfshihen dy që ranë dhe këto dy që hynë, Partizani është i pari që paguan tatimin mbi të ardhurat personale, ndërkohë që ekipi kampion i Shqipërisë paguan 3 herë më pak se sa Partizani, drejtori i Partizanit nënshkruan si kërkesë ultimative, madje e vendos veten në heshtje shtypi mbi një kërkesë që kërkon faljen e gjobave dhe borxheve. Tani më thoni mua çfarë t’i them unë drejtorit sportiv të Partizanit”, është shprehur Erion Braçe.

E.Ç (Dosja.al)

Shto Koment