Politike

Me lot në sy lajmëroi dorëheqjen, Ngjela: Kosova do ta presë si triumfues heroin e saj,Haradinajn

Në një postim në Facebook, Ngjela shprehet se kishin kaluar tash njëqind vjet që shqiptarët nuk e kishin parë një personalitet të tillë atdhedashës, si rilindasit tanë të mëdhenj.
Featured image of article: Me lot në sy lajmëroi dorëheqjen, Ngjela: Kosova do ta presë si triumfues heroin e saj,Haradinajn Spartak Ngjela

TIRANË- Ashtu sikurse politikanë të shumtë, edhe avokati Spartak Ngjela ka reaguar për dorëheqjen e kryeministrit të Kosovës, Ramush Haradinaj.

Në një postim në Facebook, Ngjela shprehet se kishin kaluar tash njëqind vjet që shqiptarët nuk e kishin parë një personalitet të tillë atdhedashës, si rilindasit tanë të mëdhenj.

Ngjela gjithashtu mendon se Kosova do ta presë si triumfues heroin e saj Ramush Haradinaj pasi nuk ka kurrë një akuzë që të mundë një njeri kaq të lartë.

Postimi i plotë i Spartak Ngjelës:

Ramush Haradinaj, burrë i vërtetë shteti dhe një shqiptar i madh.

Ramush Haradinaj dha dorëheqjen si kryeministër për të shkuar në Gjykatën Speciale të Hagës si qytetar i thjeshtë, duke theksuar se: “këtë e bëj për të ruajtur të paprekur dinjitetin dhe personalitetin e shtetit të Kosovës”.

Kishin kaluar tash njëqind vjet që shqiptarët nuk e kishin parë një personalitet të tillë atdhedashës, si rilindasit tanë të mëdhenj. 
Nuk ka kurrë një akuzë që të mundë një njeri kaq të lartë. 
Kosova do ta presë si triumfues heroin e saj Ramush Haradinaj.

Ditën e sotme kryeministri i Kosovës Ramush Haradinaj ka dhënë dorëheqjen ditën e sotme pasi është thirrur për të dëshmuar në Hagë.

Në një konferencë për shtyp, Haradinaj është shprehur se hoqi dorë nga posti pasi nuk mund ta cënonte nderin e Kosovës. Së shpjeti Kosova zhvillon zgjedhje të parakohshme parlamentare.

(a.m/dosja.al)

Shto Koment