Politike

‘Më konsideroni anëtarin tuaj’/ “Europa Nostra” përshëndet mbështetjen nga presidenti Meta për Teatrin: Angazhim i fortë!

Organizata Prestigjioze e Mbrojtjes së Trashëgimisë Kulturore në Europë, “Europa Nostra” shkruan se gjithashtu falenderojnë kreun e shtetit për njohjen e rolit të Shoqërisë Civile për rolin e tyre në kauzë.
Featured image of article: ‘Më konsideroni anëtarin tuaj’/ “Europa Nostra” përshëndet mbështetjen nga presidenti Meta për Teatrin: Angazhim i fortë! Foto ilustruese

TIRANË– Organizata Prestigjioze e Mbrojtjes së Trashëgimisë Kulturore në Europë, “Europa Nostra” ka përshëndetur angazhimin e presidentit Ilir Meta në çështjen e shembjes së Teatrit Kombëtar.

Me anë të një statusi në Twitter, ata shkruajnë se gjithashtu falenderojnë kreun e shtetit për njohjen e rolit të Shoqërisë Civile për rolin e tyre në kauzë.

“Ne e përshëndesim angazhimin e fortë të Presidentit Ilir Meta për ruajtjen e kulturës si një burim kryesor për të ardhmen evropiane të  Shqipërisë. Ne gjithashtu e falënderojmë atë për njohjen e rolit kryesor të Shoqërisë Civile. Teatri Kombëtar është një simbol i këtyre vlerave!,”-shkruan “Europa Nosta”.

Për më shumë bëhu pjesë e grupit më viral në Facebook, Dosja.al

Ditën e djeshme, Meta zhvilloi një bashkëbisedim, nëpërmjet një video-konference, me përfaqësuesit e “Europa Nostra”, të cilëve u tha se shembja e paligjshme e Teatrit Kombëtar është çështje kushtetuese, duke i kërkuar gjithashtu që ta konsideronin si anëtarin e organizatës së tyre.

(k.m/dosja.al)

Shto Koment