Politike

Një ditë para afatit, përfundon pa konsensus mbledhja e Këshillit Politik, Vasili e Bylykbashi: Na u refuzua çdo propozim! Gjiknuri: Këtu nuk vihet me listë dëshirash. Hajdari: Basha e do Ramën perandor!

VIDEO
  • Vasili e Bylykbashi: Maxhoranca na rrëzoi çdo propozim
  • Gjiknuri: Këtu nuk vihet me listë dëshirash
  • Hajdari: PD-ja më rrëzoi propozimin më ndryshimin e sistemit, përse Basha e do Ramën perandor?
  • Përfundon pas katër orësh mbledhja e Këshillit Politik. Ende nuk ka koncensus. Opozita akuzon maxhorancën se kërkon të mbushë kutitë. Hajdari akuzon të dyja palët e tjera që nuk pranojnë të ndryshojnë sistemin zgjedhor. Gjiknuri nuk pranon asnjë akuzë.
    Featured image of article: Një ditë para afatit, përfundon pa konsensus mbledhja e Këshillit Politik, Vasili e Bylykbashi: Na u refuzua çdo propozim! Gjiknuri: Këtu nuk vihet me listë dëshirash. Hajdari: Basha e do Ramën perandor! Rudina Hjadari, Damina Gjiknuri, Oerd Bylykbashi dhe Petrit Vasili
    Përditësuar:

    TIRANË– Këshilli Politik ka braktisur tryezën për Reformën Zgjedhore pas katër orësh diskutime, duke mos arritur një koncensus. Mbledhja nisi në orën 17:00 të pasdites së sotme dhe përfundoi pas orës 21:00, duke ndarë palët më shumë se kurrë, një ditë para afatit për përfundimin e Reformës Zgjedhore.

    Të parët që dolën para mediave ishin përfaqësuesit e Opozitës Jashtëparlamentare, Oerd Bylykbashi nga Partia Demokratike dhe Petrit Vasili nga Lëvizja socialiste për Integrim. Të dy u shprehën se maxhoranca nuk u ka pranuar asnjë propozim dhe synon vjedhjen e votave e legjitmizimin e 30-qershorit, për të mbushur kutitë.

    Më pas, para mikrofonave doli përfaqësuesi i maxhorancës Damian Gjiknuri. Ai deklaroi se ka lëshuar shumë ‘pe’ perpara Opozitës, por që identifikimi elektronik i votuesve nuk bëhet. Gjiknuri u shpreh se çdo kërkesë Opozita duhet ta depozitojë përpara ODIHR dhe më pas do t’i pranohet. Përsa u përket akuzave për mbushje kutish, Gjiknuri tha se s’ka parë asnjë kuti të mbushet.

    Më pas, Rudina Hajdari akuzoi të dyja palët se nuk pranojnë të ndryshojnë sistemin zgjedhor. Ajo shtoi se nuk e kuptonte Lulzim Bashësn që ishte pro një sistemi që e ka bërë kryeministrin Edi Rama, perandor.

    Për më shumë bëhu pjesë e grupit më viral në Facebook, Dosja.al

    takimi i radhës do të mbahet sërish ditën e nesërme në orën 17:00, ku shënon dhe afatin e fundit për reformën zgjedhore.

    Deri më tani, është gjetur dakordësia për shkurtimin e periudhës zgjedhore nga 3 në 1 muaj, financimin miks dhe kuotat gjinore. Palët ndahen tek përdorimi i teknologjisë në zgjedhje depolitizimi i adminsitratës zgjedhore, ku PS e kërkon të plotë, ndërsa opozita miks. Përsa i përket ndryshimit të sistemit zgjedhor, e vetmja që ka kërkuar deri më tani një gjë të tillë është Rudina Hajdari.

    Kjo e fundit, pak para nisjes së mbledhjes, përmes një statusi në rrjetet sociale, shkroi se palët duhet të punojnë pa pushim për të kapur afatin e përcaktuar dhe duhet të mendojë në interes të shqiptarëve. Me strategjinë e ish-ambasadorit Donald Lu, ftoi të gjithë pjesë marrësit në mbledhje, që të mos dalin nga ajo pa arritur një lloj akordoje.

    (f.m/dosja.al)

    • 20:34

      Hajdari: PD-ja më rrëzoi propozimin më ndryshimin e sistemit, përse Basha e do Ramën perandor?

      Rudina Hajdari, përfaqësuesja e Opozitës Parlamentare është shprehur se asnjë nga palët e përfaqësuara në Këshillin Politik, nuk pranojnë të ndryshojnë sistemin zjgedhor. Përpara mediave, pas përfundimit të mbledhjes që zgjati më shumë se katër orë dhe përfundoi pa koncensus, Hajdari u shpreh se edhe Partia Demokratike nuk e dëshiron ndryshimin e sistemit dhe se e kanë refuzuar këtë gjë kur është propozuar nga Hajdari. Deputetja shtopi më tej se në momentin që ajo u ka kërkuar palëve politike që të qëndronin gjithë natën për të mbyllur një marrëveshje, ata janë çuar e kanë ikur. Në fund, ajo shtoi se nuk e kuptonte, përse Basha e donte një sistem që mban kryeministrin Edi Rama, perandor! “U propozova të rrinim gjithë natën këtu dhe të përmbyllnim çështjen. Nuk pranuan dhe nuk qëndruan. U çuan direkt sapo më dëgjuan, Erdha këtu për të ndryshuar sistemin dhe nuk e kuptoj se përse Partia Demokratike, nuk e mbështet këtë gjë. Më hodhën poshtë çdo gjë,. Pse këta njerëz, kanë kaq frikë për të ndryshuar sistemin zgjedhor, për të hapur listat dhe për bërë që shqiptarët të dinë se kë përfaqësues të votojnë? E kuptoj Edi Ramën, po Bashën nuk e kuptoj se përse e do këtë sistem që e ka bërë Bashën perandor. Persë Basha e do Ramën perandor? Edhe pse këta qëndruan sot bashkë kundër këtij propozimi, nuk e bënë. Thanë gjëra të ndryshme, por unë nuk e pranova atë përgjigje. Ata nuk duan lista të hapura sepse kanë frikë nga vota e qytetarit. Nga njëra anë kemi klasën e vjetër politike, nga ana tjetër kemi qytetarët që duan ndryshime. Minimumi shqiptarët të kenë të drejtë, të fusin në Parlament njerëzit që ata votojnë,”- tha Hajdari.

    • 21:20

      Mbledhja e Këshillit Politik, Gjiknuri: Këtu nuk vihet me listë dëshirash, nuk pranojmë asnjë kërkesë të paaprovuar nga ODIHR, ku janë mbushur këto kuti se unë s’di gjë

      Përfaqësuesi i Partisë Socialiste në Këshillin Politik, Damian Gjiknuri është shprehur përpara mediave se kanë lëshuar shumë ‘pe’ përpara Opozitës jashtëparlamentare. Në një deklaratë, pas mbledhjes që zgjati katër orë dhe përfundoi pa koncensus për Reformën Zgjedhore, Gjiknuri u shpreh se çështja e sistemit është lënë të diskurtohet në fazën e dytë. Ai u shpreh se Opozitës, do t’i pranohet çdo propozim që merr miratimin e ODIHR, dhe se PD-ja nuk mund të shkojë me listë dëshirash përpara Këshillit Politik.  Përsa u përket akuzave për mbushje kutish apo skenar të 30-qershorit, Gjiknuri tha se nuk ka parë asnjë kuti të mbushet. “Sot trajtuam disa çështje të tjera, siç është aplikimi elektoral nisur nga sistemi danez. U ra dakort që çështja e sistemit të trajtohet në fazën e dytë të Reformës Zgjedhore. Pika e parë e fazës së dytë do të jetë trajtimi i çështjes së sistemit. Partia Demorkatike po teregohet e steopur për të trajtuar pika të tjera. Pika më e madhe që na dnan është identifikimi elektronik dhe reformimi I administratës zgjedhore. Përsa i përket teknologjisë, vullneti ynë ka qenë i qartë. E morëm parasysh identifikimin elektrik, por përtej dëshirës ju drejtuam ODIHR, të cilët na thanë se sistemi virtual duhet të trajtohet gradualisht. Unë bëra dhe një sfidë tjetër dhe t’I drejtohemi së bashku ODIHR-it. Po na ktheu përgjigje pozitive dhe e marrim OK. Jo nesër të na viëj ODIHR dhe të thotë që pavarësisht propozimit tonë, qeveria shqiptare i dështoi zgjedhjet dhe nuk na dëgjoi. PD-ja nuk mund të vijë me listë dëshirash e më gjëra që ja ku janë mbushur kutitë e votimit. Që unë nuk e di se ku jsnë mbushur këto kuti. Ne kemi ofruar hapjen e çdo kutie. Ju e dini qe PS-ja ka bërë grevë urie dhe nuk na u dha të hapim kutitë e një qarku. Ne e ofrojmë këtë gjë. Dhe kjo do të bëjë komisionerët përgjegjës. Kush është ai i çmendur që të mbushë kutitë, kur e di që do të kontrollohet. Kemi pranuar edhe monitorimin e çdo vendi me kamera,”- tha Gjiknuri ndër të tjera.

    • 20:03

      Mbledhja e Këshillit Politik, Vasili e Bylykbashi: Maxhoranca nuk heq dorë nga modeli i 30-qershort

      Përfaqësuesi i Partisë Demokratike, Oerd Bylykbashi dhe Petrit Vasili, përfaqësuesi i Lëvizjes Socialistë për Integrim, kanë dalë të zhgënjyer nga mbledhja e Këshillit Politik për Reformën Zgjedhore, e cila përfundoi pa koncensur pasditen e sotme dhe zgjati katër orë. Në një deklaratë për mediat, Vasili dhe Bylyklbashi u shprehën se maxhoranca u ka rrëzuar çdo propozim dhe se nuk u ka pranuar asgjë nga ato çfarë ka propozuar Opozita jashtëparlamentare. Të dy, para mediave, deklaruan se Partia Socialiste kërkon të vjedhë zgjedhjet, ashtu siç bëri edhe në rastin e 30-qershorit, ku sipas BYLYKBASHIT E Vasilit, janë mbushur kutitë “Partia Socialiste në strategjinë e saj ka vetëm një gjë, Vjedhjen e votive. Kjo është një vizë kuqe, të cilën Opozita nuk do ta lejojë të kalohet. Përpjekjet e tjera janë vetëm për të maskuar atë që thashë më parë. Për çështjen e administrimit të zgjedhjeve dhe gjykimit, Partia Socialiste nuk heq dorë nga modeli i 30 qershorit. Pa u arritur dakortësia për propozimin tonë që bllokon mbushjen e kutive përmes identifikimit biometrik të zgjedhësve në të gjitha qendrat e votimit, të gjitha përpjekjet e tjera nuk janë gjë tjetër veçse përpjekje për të maskuar atë që thashë edhe më lart,“- tha përfaqësuesi i PD, Bylykbashi. I gjithë modeli i socialistëve është vetëm një, legjitimimi i zgjedhjeve të 30 qershorit. Ajo që Opozita ka vendosur pa kthim është asnjë centimetër nga ato standarte që kanë ekzistuar deri më sot të mos tërhiqet. Ka qenë vetë maxhoranca që i ka vendosur këto standarte kur ka qenë në Opozitë. Tashmë kërkon të minojë Reformën Zgjedhore. PS-ja nuk heq dorë nga modeli i 30-qershorit. Partia Socialiste synon të minojë reformën zgjedhore, duke e miratuar në mënyrë të ngjashme. Propozimi i opozitës nuk i jep asnjë privilegj opozitës, por vendos në kushtet të barabarta qeverinë dhe opozitën në komisionet e administrimit zgjedhor. Por, PS kërkon që të mos ketë asnjë sy tjetër në tavolinë port ë jetë vetëm ajo që të vendosë për gjithçka. Përsa i përket kundërshtimit të teknologjisë, argumenti është një argument bajat, me idenë se nuk mund të realizohet. Në 5 mijë qendra PS-aj nuk e bën dot, ndërsa në shtetet ku votojnë nga 200 milionë njerëz, bëhet. Kemi një politikë ku PS-ja kërkon të kthejë formulën e zgjedhjeve të 30-qershorit,“- tha Vasili ndër të tjera.

    Shto Koment