Aktualitet

Mblidhet KLP-ja, përfundon mandati i Arben Dollapajt, Arta Marku rikthehet në Tiranë, ja detyra e re (EMËRIMET)

Këshilli i Lartë i Prokurorisë në mbledhjen e sotme ka miratuar përfundimin e mandatit të Arben Dollapajt dhe ka firmosur emërimin e përkohshëm të 6 prokurorëve, mes tyre dhe të Arta Markut.
Featured image of article: Mblidhet KLP-ja, përfundon mandati i Arben Dollapajt, Arta Marku rikthehet në Tiranë, ja detyra e re (EMËRIMET) Foto ilustruese

TIRANË– Këshilli i Lartë i Prokurorisë ka marrë 7 vendime gjatë mbledhjes së sotme, një prej tyre përfundimi i mandatit për anëtarin e KLP-së, Arben Dollapaj. Ndërkohë janë emëruar edhe hetues të rinj në Prokuroritë e rretheve.

Në Lushnje është përcaktuar përkohësisht Arben Dyla, i cili do të drejtojë Prokurorinë pranë Gjykatës së Shkallës së Parë në Lushnjë deri më 30 qershor.

Kreshnik Ajazi është emëruar prokuror në Prokurorinë pranë Gjykatës së Shkallës së Parë në Elbasan deri më 25 qershor, ndërsa ish-kryeprokurorja Arta Marku rikthehet për të drejtuar hetuesinë pranë Gjykatës së Apelit në Tiranë deri më 30 qershor. Për të njëjtën periudhë kohore edhe Violeta Shkurta do të drejtojë Prokurorinë pranë Gjykatës së Shkallës së Parë në Fier.

Për më shumë bëhu pjesë e grupit më viral në Facebook, Dosja.al

Hetuesja Alma Bramo do të drejtojë Prokurorinë e Durrësit dëri më 28 qershor, ndërsa Rita Gjati do ndjekë zhvillimet në hetuesinë e Kukësit deri më datë 26 po ashtu të muajit qershor.

(k.m./dosja.al)

Shto Koment