Politike

“Mbledhja ndiqet nga qytetarët”/ Gramoz Ruçi u tërheq vëmndjen deputetëve: Mos flisni nga makina kur jeni online në komisione

Ruçi ka kërkuar seriozitet nga ana e tyre, pasi mbledhja ndiqet nga të gjithë qytetarët, pavarësisht se është online për shkak të pandemisë së koronavirusit.
Featured image of article: “Mbledhja ndiqet nga qytetarët”/ Gramoz Ruçi u tërheq vëmndjen deputetëve: Mos flisni nga makina kur jeni online në komisione Gramoz Ruçi

TIRANË- Kryetari i Kuvendit, Gramoz Ruçi, u ka tërhequr vëmendjen e të gjithë kryetarëve të Komisioneve për mbledhjet. Gjatë mbledhjes së fundit të kryetarëve të Komisioneve thotë se nuk deputetët nuk duhet të flasin nga makina kur janë në Komisione. Ruçi ka kërkuar seriozitet nga ana e tyre, pasi mbledhja ndiqet nga të gjithë qytetarët, pavarësisht se zhvillohet online për shkak të pandemisë së koronavirusit.

“Para se të bëj komentin e propozimeve, me lejoni të tërheq vëmendjen e të gjithë kryetarëve të Komisioneve për mbledhjet. Sigurisht që kemi vendosur të vazhdojnë të zhvillohen “online”, në raste të veçanta kemi në dispozicion tri ambiente, si: salla e madhe, salla e grupeve dhe kjo salla ku jam unë, kur Komisionet ta shikojnë të arsyeshme për t’i zhvilluar mbledhjet me praninë fizike, sigurisht duke zbatuar të gjitha masat e protokollit, por për të gjitha mbledhjet e komisioneve që zhvillohen online do të kërkoja etikën dhe rigorozitetin e të gjithë pjesëmarrësve. Jeni në sytë e publikut, siç jeni ju dhe unë “online”, janë “online” edhe ato për publikun dhe nuk është serioze që, ndërkohë që zhvillohet mbledhja e Komisionit, deputeti, meqë ia lejon elektronika, të flasë nga makina. Këto nuk duhen toleruar nga asnjë kryetar Komisioni”, tha Ruçi.

Për më shumë bëhu pjesë e grupit më viral në Facebook, Dosja.al

Reagimi i Ruçit, vjen disa ditë pasi  Instituti i Studimeve Politike publikoi raportin e  mbledhjeve online që kryhen në Kuvendin e Shqipërisë.

(A.K.dosja.al)

Etiketa:

Shto Koment