Bota

Mbi 9.9 milionë të infektuar në të gjithë globin/ Raste të reja me Covid-19 në Kinë, Meksika dhe Brazili nuk gjejnë qetësi

Ndërkohë në Kinë janë rikthyer sërish rastet e reja me Covid-19. Deri më sot Kina numëron 4.634 viktima dhe 83,483 të infektuar që prej fillimit të shpërthimit, ku në 24 orët e fundit raportohen 13 raste të reja.
Featured image of article: Mbi 9.9 milionë të infektuar në të gjithë globin/ Raste të reja me Covid-19 në Kinë, Meksika dhe Brazili nuk gjejnë qetësi Foto Ilustruese

Shtetet e Bashkuara të Amerikës janë vendi më i prekur nga pandemia. Aktualisht në Shtetet e Bashkuara të Amerikës janë  2,553,068 të infektuar dhe janë shënuar 127,640 vikitma. COVID-19 po përhapet me shpejtësi edhe në Indi. Shqetësuese është situata edhe në Meksikë ku numri i viktimave në këtë shtet ka shkuar në 25,779. Vetëm në 24 orët e fundit në këtë shtet janë shënuar 719 viktima. Gjithashtu edhe Brazili është në gjendje shumë të rënduar, pasi shifrat janë shumë të larta për çdo ditë. Deri më tani numërohen 55961   viktima dhe mbi 1.2 milionë të infektuar.

Ndërkohë në Kinë janë rikthyer sërish rastet e reja me Covid-19. Deri më sot Kina numëron 4.634 viktima dhe 83,483 të infektuar që prej fillimit të shpërthimit, ku në 24 orët e fundit raportohen 13 raste të reja.

Sa i përket Europës, në Itali janë shënuar 34,708  viktima dhe në Francë 29,778 , ndërsa qeveria ka vendosur të lehtësojë masat e izolimit, sakaq në Spanjë kanë humbur 28,338 qytetarë.

Për më shumë bëhu pjesë e grupit më viral në Facebook, Dosja.al

Ndërkohë Organizata Botërore e Shëndetësisë ditën e sotme ka raportuar një rritje rekord të numrit të të infektuarve me Covid-19  brenda një dite, derisa Amerika Veriore dhe ajo Jugore kanë qenë në krye të listës. Ndërsa më herët OBSH ka bërë thirrje shteteve të vazhdojnë përpjekjet për të luftuar pandeminë globale Covid-19. Drejtori i OBSH-së, Mike Ryan tha se numri i të infektuarve në Amerikën Qendrore vazhdon të rritet dhe kjo sipas tij është një situatë emergjente. Ndërkohë udhëheqësi i  Organizatës Botërore të Shëndetësisë, Tedros Adhanom Ghebreyesus ka bërë deklaratën e fortë drejtuar shteteve, që të bëhen gati për një rikthim të koronavirusit.

(A.K.Dosja.al)

Shto Koment