Bota

Matteo Salvini do të përballet me gjyq për bllokimin e anijes së shpëtimit të emigrantëve

Gjykatësi Lorenzo Iannelli vendosi 15 shtatorin si datën e gjyqit gjatë një seance gjyqësore në Palermo. Salvini, i cili mori pjesë në seancë, konfirmoi rezultatin dhe tha se ai po bënte vetëm punën dhe detyrën e tij duke refuzuar hyrjen në anijen e shpëtimit dhe 147 personave që ajo kishte shpëtuar në Detin Mesdhe.
Featured image of article: Matteo Salvini do të përballet me gjyq për bllokimin e anijes së shpëtimit të emigrantëve Matteo Salvini

ITALI– Një gjykatës në Sicili ka urdhëruar ish-ministrin e brendshëm italian, Matteo Salvini të dalë në gjyq për refuzimin e lejimit të një anijeje spanjolle të shpëtimit të ankorohet në një port italian në vitin 2019, duke mbajtur njerëzit në det për ditë me radhë.

Gjykatësi Lorenzo Iannelli vendosi 15 shtatorin si datën e gjyqit gjatë një seance gjyqësore në Palermo. Salvini, i cili mori pjesë në seancë, konfirmoi rezultatin dhe tha se ai po bënte vetëm punën dhe detyrën e tij duke refuzuar hyrjen në anijen e shpëtimit dhe 147 personave që ajo kishte shpëtuar në Detin Mesdhe.

Sipas Guardian, duke cituar kushtetutën italiane, Salvini tha se mbrojtja e vendit ishte “detyra e shenjtë” e çdo italiani.

“Po shkoj në gjyq për këtë, sepse kam mbrojtur vendin tim? Do të shkoj me kokën lart, edhe në emrin tënd”.-tha ai.

Për më shumë bëhu pjesë e grupit më viral në Facebook, Dosja.al

Prokurorët e Palermos kanë akuzuar Salvinin për heqjen e detyrës dhe rrëmbimit, për mbajtjen e emigrantëve në det pranë brigjeve të Lampedusa për pothuajse tre javë në gusht 2019. Gjatë përleshjes, disa njerëz u hodhën në det të dëshpëruar ndërsa kapiteni u lut për një vend të sigurt.. Përfundimisht, pas një kalvari prej 19 ditësh, 83 migrantët e mbetur që ishin akoma në bord u lejuan të zbresin në Lampedusa.

Salvini kishte mbajtur një qëndrim të ashpër për emigracionin si ministër i Brendshëm gjatë qeverisë së parë të kryeministrit të atëhershëm, Giuseppe Conte, nga 2018-19. Ndërsa kërkonte që kombet e BE-së të bënin më shumë për të marrë emigrantë që mbërrinin në Itali, Salvini argumentoi se anijet humanitare të shpëtimit vetëm inkurajonin trafikantë me bazë në Libi dhe se politika e tij shpëtoi jetë duke dekurajuar udhëtime të mëtejshme të rrezikshme përtej Mesdheut.

Salvini është gjithashtu nën hetim për një tjetër bllokim të ngjashëm migrantësh që përfshin anijen e rojes bregdetare italiane Gregoretti, të cilën Salvini refuzoi ta lejojë të ankorohet në verën e 2019. Prokurori në atë rast, Andrea Bonomo i Catania në Siçili, këshilloi kundër një gjykimi, duke argumentuar se Salvini po kryente politikën qeveritare kur mbajti 116 migrantët në det për pesë ditë.

(d.a/dosja.al)

Shto Koment