Aktualitet

Mashtroi me diplomë false për vizën amerikane, Gjykata lë në burg Agron Selmanin

  • Fitoi Lotarinë Amerikane, 41-vjeçarit nga Shkodra i ndodh gjëma. Arrestohet sapo del nga ambasada (Video)
  • Gjykata cakton masën e sigurisë "arrest me burg" për Agron Selmanin, pasi mashtroi me diplomë false për të marrë vizën amerikane. 41 vjeçari fitoi lotarinë amerikane, por rezultoi me diplomë false.
    Featured image of article: Mashtroi me diplomë false për vizën amerikane, Gjykata lë në burg Agron Selmanin Agron Selmani

    TIRANË- Gjykata e Tiranës ka dhënë sot masën e sigurisë “arrest me burg” për Agron Selmanin. 41 vjeçari fitoi lotarinë amerikane, por rezultoi me diplomë false. Ai kishte shkuar të jepte intervistën për të marrë vizën në ambasadën amerikane në Tiranë, 

    Selmanit iu hodhën prangat nga forcat ‘Shqiponja’ menjëherë sapo Shërbimi Diplomatik i Sigurisë DSS zbuloi një tjetër rast falsifikimi e mashtrimi me vizat, që konsiderohet një krim i rëndë në SHBA, dhe që parashikohet gjithashtu si vepër penale edhe në Kodin Penal shqiptar.

    Lidhur me çështjen e Agron Selmanit, Prokuroria i ka paraqitur gjykatës dy kërkesa të ndryshme. Ditën e djeshme u dorëzua kërkesa që Selmani të lihej në “arrest shtëpie”, e ndërsa në seancën e sotme kërkesa ishte për “arrest me burg”, kërkesë kjo që u pranua më pas nga gjykata.

    (a.m/dosja.al)

    Shto Koment